“ఊపిరి” హిందీ రీమేక్ లో అమితాబ్ ?

నాగార్జున-కార్తీ హీరోలుగా నటించిన “ఊపిరి” ఎంతటి ఘన విజయం సాధించిందో ప్రత్యేకించి చెప్పాల్సిన అవసరం లేదు. ఇప్పుడా చిత్రాన్ని హిందీలో రీమేక్ చేసేందుకు సన్నాహాలు జరుగుతున్నాయ్. కరణ్ జోహార్ ఈ చిత్రాన్ని హిందీలో నిర్మించనుండగా.. తెలుగు వెర్షన్ ను డైరెక్ట్ చేసిన వంశీ పైడిపల్లి హిందీ వెర్షన్ కు డైరెక్షన్ చేసే అవకాశాలున్నాయని తెలుస్తోంది.
ఇంతకీ అసలు విషయం ఏంటంటే.. తెలుగులో నాగార్జున చేసిన విక్రమాదిత్య పాత్రను హిందీలో అమితాబ్ బచ్చన్ చేయనున్నారని సన్నిహిత వర్గాల సమాచారం. కార్తీ పాత్రలో వరుణ్ ధావన్, తమన్నా పాత్రలో కృతి సనన్ ను ఎంపిక చేసారని తెలుస్తోంది.
ఈ కాంబినేషన్ వార్త ఎంతవరకూ నిజమో తెలియదు కానీ.. ఒకవేళ నిజంగా సెట్ అయితే.. బాలీవుడ్ లో సరికొత్త సంచలనం సృష్టించడం ఖాయం!