‘శ్రీకృష్ణార్జున యుద్ధం’ సినిమా టైములో దర్శకనిర్మాతల భయాలు ఇవే..!

January 2, 2021 / 05:50 PM ISTByFilmy Focus

Join Us

‘శ్రీకృష్ణార్జున యుద్ధం’ సినిమా టైములో దర్శకనిర్మాతల భయాలు ఇవే..!

ఇండస్ట్రీలో స్టార్ హీరోల మధ్య ఎటువంటి ఇగోలు ఉండవు అని చాలా మంది చెబుతుంటారు. ఓ ఫంక్షన్ కు వచ్చినప్పుడు లేదా వేరే ఏదైనా వేడుకలో ఇద్దరు స్టార్ హీరోలు కలుసుకున్నప్పుడు.. ఎటువంటి ఇగోలు లేకుండా కలిసి నవ్వుకుంటూ కనిపిస్తారు.ఆ టైములో అలాంటివి ఉండవు అది ఒప్పుకోవాల్సిందే. అయితే ఇద్దరు స్టార్ హీరోల సినిమాలు ఒకే టైములో విడుదలైనా.. లేదా ఒకే చిత్రంలో ఇద్దరు స్టార్ హీరోలు కలిసి నటిస్తున్నా .. చిన్న చిన్న అలకలు,ఇగోలు రావు అనుకోవడానికి లేదు.

ఈ మధ్య కాలంలో ఒకే జనరేషన్ కు సంబంధించిన ఇద్దరు స్టార్ హీరోలు కలిసి నటిస్తున్న మల్టీ స్టారర్ ‘ఆర్.ఆర్.ఆర్’ మాత్రమే..! దాని ట్రీట్మెంట్ ఎలా ఉంది అనేది తెలుసుకోవడానికి కొంచెం టైం పడుతుంది లెండి. అయితే గతంలో ఎన్టీఆర్,ఏ.ఎన్.ఆర్, కృష్ణ, శోభన్ బాబు, కృష్ణంరాజు వంటి హీరోలు మల్టీ స్టారర్స్ చేసేవారు. ఆ టైములో ఇగోల గోల ఉండేదా అంటే.. కచ్చితంగా లేదు అనేది అప్పటి పెద్దల సమాచారం. ఆ రోజుల్లో కథకు ప్రాధాన్యత ఎక్కువ ఇచ్చేవారట హీరోలు.

అయితే మరోపక్క అభిమాన సంఘాలను చూసి నిర్మాతలు జంకుతూనే ఉండేవారట. ఎన్టీఆర్,ఏ.ఎన్.ఆర్ లు నటించిన ‘శ్రీ కృష్ణార్జున యుద్ధం’ సినిమా టైములో ‘ఎవరి పేరు ముందు వెయ్యాలి?’ అనే సందిగ్ధంలో పడ్డారట దర్శకనిర్మాతలు. అందుకోసం చాలా రోజుల పాటు ఆలోచించారట. ఎవరి పేరు ముందు వేసినా అభిమాన సంఘాలు కొట్టుకునే అవకాశాలు ఉన్నాయి. కాబట్టి… చివరికి ఎవ్వరి పేరు వెయ్యకుండా..సినిమాలో ఎన్టీఆర్, ఏ.ఎన్.ఆర్ లు కలిసి ఉన్న ఓ షాట్ వేసారట. అంతే ప్రాబ్లం సాల్వ్ అయ్యింది.