అది‌ గ్రాఫిక్స్‌ కాదు.. రజినీ లుక్ వెనుక ఉన్న నిజం అదే..!

కోలీవుడ్ ఇండస్ట్రీ హిట్ గా నిలిచిన ‘రోబో’ చిత్రం గురించి ప్రత్యేకంగా పరిచయం అవసరం లేదు. రజినీ కాంత్ హీరోగా.. ఇండియన్ జేమ్స్ కెమరూన్ గా పాపులర్ అయిన శంకర్ డైరెక్షన్లో తెరకెక్కిన ఈ చిత్రం తెలుగులో కూడా బ్లాక్ బస్టర్ గా నిలిచింది. సౌత్ లోనే కాదు హిందీలో కూడా ఈ చిత్రం మంచి కలెక్షన్లను రాబట్టింది. ఈ చిత్రంలో రజినీ రెండు విభిన్నమైన పాత్రలను పోషించాడు. ఒకటి శాస్త్రవేత్త వశీకర్ కాగా.. మరొకటి రోబో(చిట్టి) గా అద్భుతమైన నటన కనపరిచాడు.

ఇదిలా ఉండగా.. ఈ చిత్రం ఫొటోషూట్‌లో తీసిన ఓ ఫొటోను ప్రముఖ కెమెరామెన్‌ రిచార్డ్‌ ఎమ్‌ నతన్‌ తన ట్విటర్‌లో పోస్ట్‌ చేసాడు. ఇప్పటి వరకూ ఈ లుక్ ను చిత్ర యూనిట్ బయట పెట్టలేదు. ఆయన తన ట్విట్టర్ ద్వారా ఈ ఫోటోని షేర్ చేస్తూ.. “2008వ సంవత్సరంలో ‘రోబో’ సినిమా ఫొటోషూట్‌లో నేను తీసిన పిక్‌ ఇది. ‘కేవలం కంప్యూటర్‌ గ్రాఫిక్స్‌ వాడే తలైవా లుక్‌ ను అలా తయారు చేశామని’ అంతా అనుకున్నారు.

కానీ అది నిజం కాదు. ఈ షూట్‌ కోసం రజనీ కాంత్ కు సిల్వర్‌ కలర్ పెయింట్‌ వేశారు. ఇప్పటి వరకూ బయట పడని ఈ ఫోటోని మీరు కూడా చూడండి” అంటూ పేర్కొన్నాడు. ఆయన అలా పోస్ట్ చేసాడో లేదో.. ఈ ఫొటో క్షణాల్లో సోషల్‌మీడియాలో వైరల్‌ అయిపోయింది. ప్రస్తుతం దర్శకుడు శంకర్.. కమల్ తో ‘ఇండియన్2’ సినిమా చేస్తుంటే.. మరో పక్క రజినీ.. శివ డైరెక్షన్లో ‘అన్నాతై’ అనే చిత్రంలో నటిస్తున్నాడు.

1

2

3

Most Recommended Video

కృష్ణ అండ్ హిజ్ లీల సినిమా రివ్యూ & రేటింగ్
పెంగ్విన్ సినిమా రివ్యూ & రేటింగ్!
టాలీవుడ్ లో అత్యధిక నష్టాలు మిగిల్చిన పది చిత్రాలు ఇవే