Actress Sangeetha: ‘సరిలేరు’ నటికి ‘ఎఫ్3’ లో ఛాన్స్ ఇవ్వడం వెనుక అంత కథ ఉందా..!

ఫేడౌట్ అయిన హీరోయిన్లు మళ్ళీ రీ ఎంట్రీ ఇవ్వడమనేది కామన్. అలా రీ ఎంట్రీ ఇచ్చే వాళ్ళు అక్క,వదిన వంటి పాత్రల్లో నటించడానికి ఎక్కువగా ఇష్టపడతారు కానీ తల్లి, అత్త వంటి పాత్రలు చేయడానికి తొందరగా ఇష్టపడరు. హీరోయిన్ సంగీత కూడా అలాగే ఫిక్స్ అయ్యిందట. ‘ఆశల సందడి’ అనే చిత్రంతో తెలుగు ప్రేక్షకులకు పరిచయమైన హీరోయిన్ సంగీత ఆ తర్వాత ‘ఖడ్గం’ ‘ఖుషి ఖుషీగా’ ‘సంక్రాంతి’ వంటి హిట్ చిత్రాల్లో నటించింది.

మంచి నటిగా అయితే గుర్తింపు తెచ్చుకుంది కానీ ఎక్కువ కాలం హీరోయిన్ గా కొనసాగలేకపోయింది.అడపాదడపా తమిళంలో సినిమాలు చేసింది కానీ అవి కూడా ఈమెకు కలిసి రాలేదు. అయితే గతేడాది వచ్చిన ‘సరిలేరు నీకెవ్వరు’ చిత్రంతో ఈమె రీ ఎంట్రీ ఇచ్చింది. ఈ చిత్రంలో ఈమె హీరోయిన్ రష్మిక తల్లిగా నటించింది. మొదట ఈ పాత్ర చేయడానికి సంగీత ఒప్పుకోలేదట.అప్పుడే తల్లి పాత్రలు చేయడం తనకు ఇష్టం లేదని చెప్పిందట. అయితే అనిల్ రావిపూడి.. కన్విన్స్ చేసి ఒప్పించాడని తెలుస్తుంది.

అంతేకాకుండా తన తదుపరి సినిమాలో కూడా ‘మీ కోసం ఓ పాత్ర చేస్తాను’ అని సంగీతకు హామీ ఇచ్చాడట. ఈ మాట మీద ఆమె ఒప్పుకున్నట్టు తెలుస్తుంది. ఇక ఇచ్చిన మాట ప్రకారం..సంగీతకు ‘ఎఫ్3’ సినిమాలో కూడా ఛాన్స్ ఇచ్చాడట అనిల్.ఇందులో ఆమె పాత్ర ప్రేక్షకులను బాగా ఎంటర్టైన్ చేస్తుందని వినికిడి. దీంతో పాటు మెగాస్టార్ చిరంజీవి హీరోగా కొరటాల శివ డైరెక్షన్లో తెరకెక్కుతున్న ‘ఆచార్య’ లో కూడా నటిస్తున్న సంగతి తెలిసిందే.

Most Recommended Video

టాలీవుడ్ స్టార్ హీరోల ఫేవరెట్ ఫుడ్స్ ఇవే..?
ఈ 10 సినిమాల్లో కనిపించని పాత్రలను గమనించారా?
2020 లో పాజిటివ్ టాక్ వచ్చినా బ్రేక్ ఈవెన్ కానీ సినిమాల లిస్ట్..!