Anasuya: త్రివిక్రమ్ గారికి క్షమాపణలు చెప్పాను!

బుల్లితెర యాంకర్ గా ఎంతో మంచి గుర్తింపు సంపాదించుకున్నటువంటి అనసూయ ప్రస్తుతం వెండితెర సినిమాలలో నటిస్తూ నటిగా ఇండస్ట్రీలో ఎంతో బిజీగా ఉన్న సంగతి మనకు తెలిసిందే. ఇలా నటిగా ఇండస్ట్రీలో కొనసాగుతూ ఉన్నటువంటి ఈమె తరచూ ఏదో ఒక విషయం ద్వారా వార్తల్లో నిలుస్తూ ఉంటారు. తాజాగా ఒక ఇంటర్వ్యూలో పాల్గొన్నటువంటి అనసూయ తన కెరియర్ గురించి పలు విషయాలు వెల్లడించారు. ముఖ్యంగా తనకు హీరోయిన్గా అవకాశాలు రాకపోవడం గురించి ఈమె మాట్లాడుతూ చేసిన కామెంట్స్ వైరల్ అవుతున్నాయి.

ఈ సందర్భంగా అనసూయ మాట్లాడుతూ త్రివిక్రమ్ శ్రీనివాస్ గారి దర్శకత్వంలో వచ్చిన అత్తారింటికి దారేది సినిమా సమయంలో నాకు ఒక పాటలో చేసే అవకాశం వచ్చింది అయితే నేను ఈ పాటకు నో చెప్పాను. నేను చెప్పిన విధానం తప్పు అయినప్పటికీ నా ఉద్దేశం మాత్రం కరెక్ట్ ఎందుకంటే ఆ సినిమాలో చాలామంది హీరోయిన్స్ ఉన్నారు. అలాంటప్పుడు నేను కూడా ఆ సినిమాల్లో నటిస్తే నాకంటూ పెద్దగా గుర్తింపు ఉండదు. నేను ఏదైనా పని చేసాను అంటే గుర్తింపు ఉండాలని తాపత్రయపడతాను అంటూ అనసూయ తెలిపారు.

అందుకే అత్తారింటికి దారేది సినిమాలో ఒక పాటలో నేను చేయలేదని అయితే ఆ సమయంలో నా గురించి పెద్ద ఎత్తున విమర్శలు కూడా వచ్చాయి. అందుకే త్రివిక్రమ్ గారికి నేను క్షమాపణలు చెప్పాను అంటూ అనసూయ వెల్లడించారు. ఇక క్యారెక్టర్ ఆర్టిస్ట్ గా ఎంతో మంచి సక్సెస్ అయినటువంటి తనకు హీరోయిన్గా అవకాశాలు ఎందుకు రాలేదు అనే విషయాలను కూడా అనసూయ ఈ సందర్భంగా ప్రస్తావించారు. షూటింగ్లో నా పని పూర్తికాగానే నేను అక్కడి నుంచి వెళ్ళిపోతాను సినిమాకు సంబంధించి పార్టీలకు తాను దూరంగా ఉంటాను అందుకే నాకు హీరోయిన్గా అవకాశాలు రాలేదని తెలిపారు.

సినిమాలలో అవకాశాలు అందుకోవాలి అంటే పార్టీలకు వెళ్లాలి అలా వెళ్తేనే అవకాశాలు వస్తాయి అంటే నేను అలాంటి వాటిని ప్రోత్సహించనని ఈమె తెలియజేశారు. ఒకప్పుడు అవకాశం వస్తే నాకు గుర్తింపు ఉండాలని కోరుకునే దాన్ని కానీ ప్రస్తుతం మాత్రం ఈ విషయంలో నేను మారానని ఎలాంటి పాత్రలోనైనా మంచిగా నటిస్తేనే మనకు గుర్తింపు వస్తుందని నమ్మకం తనకు కలిగింది అంటూ ఈ సందర్భంగా అనసూయ (Anasuya) తన కెరియర్ గురించి చేసినటువంటి ఈ కామెంట్స్ సోషల్ మీడియాలో వైరల్ అవుతున్నాయి.

మా ఊరి పొలిమేర 2 సినిమా రివ్యూ & రేటింగ్!

కీడా కోలా సినిమా రివ్యూ & రేటింగ్!
నరకాసుర సినిమా రివ్యూ & రేటింగ్!