‘పుష్ప’ కి అనసూయ నో చెప్పడానికి కారణం అదేనట..!

December 7, 2020 / 01:36 PM IST

Join Us

‘పుష్ప’ కి అనసూయ నో చెప్పడానికి కారణం అదేనట..!

అనసూయ.. ఈ పేరుకి ప్రత్యేక పరిచయమవసరం లేదు. కెరీర్ ప్రారంభంలో న్యూస్ రిపోర్టర్ గా పనిచేసిన ఈమె.. ఆ తరువాత బుల్లితెర పై ‘జబర్దస్త్’ షో మంచి ఫ్యాన్ ఫాలోయింగ్ ను సంపాదించుకుంది. ఆ తరువాత సినిమాల్లోకి కూడా ఎంట్రీ ఇచ్చి ముఖ్యమైన పాత్రలు పోషిస్తూ బోలెడంతమంది ఫ్యాన్స్ ను కూడా సంపాదించుకుంది. ప్రస్తుతం అనసూయకు ఓ స్టార్ హీరోయిన్ రేంజ్ క్రేజ్ ఉండనే చెప్పాలి. అందుకేనేమో ఈ మధ్యన కొన్ని క్రేజీ ప్రాజెక్టులకు కూడా ఈమె సింపుల్ గా నో చెప్పేస్తూ వస్తుంది.

మొన్నటికి మొన్న మంచి కథాబలం ఉన్న చిత్రాన్ని ఈమె రిజెక్ట్ చేస్తే.. ఈమె ప్లేస్ లో అప్పటి స్టార్ హీరోయిన్ భూమిక ను తీసుకున్నారు. అంతేకాకుండా కృష్ణవంశీ తెరకెక్కిస్తున్న ‘రంగమార్తాండ’ చిత్రం నుండీ కూడా ఈమె తప్పుకుండానే కథనాలు వినిపించాయి. అన్నిటికంటే ముఖ్యంగా అల్లు అర్జున్ ‘పుష్ప’ చిత్రం నుండీ ఈమె తప్పుకుంది అని ఎప్పటి నుండో వార్తలు వస్తున్నాయి. అసలు ఈమె సినిమాలో ఉంది అనే విషయాన్ని కూడా చిత్ర యూనిట్ సభ్యులు అధికారికంగా ప్రకటించలేదనుకోండి.

దానికి ప్రధాన కారణం మాత్రం ఇదేనని ఇప్పుడు మళ్ళీ డిస్కషన్లు మొదలయ్యాయి. అదేంటంటే.. ‘పుష్ప’ కథ ప్రకారం.. అనసూయ డీ గ్లామరస్ గా కనిపించాల్సి ఉందట. అయితే అందుకు అనసూయ నో చెప్పిందనట్టు తెలుస్తుంది. ‘రంగస్థలం’ చిత్రంతో అనసూయ ఇమేజ్ ను పెంచిందే సుకుమార్.. అలాంటి డైరెక్టర్ సినిమానే రిజెక్ట్ చేయడమేంటి అని.. ‘పుష్ప’ హీరో అల్లు అర్జున్ కూడా షాకయ్యాడట.