విజయ్ దేవరకొండ హీరోగా నటించిన ‘లైగర్’ చిత్రం నిన్న రిలీజ్ అయ్యి ప్లాప్ టాక్ ను మూటకట్టుకుంది. దీంతో విజయ్ యాంటీ ఫ్యాన్స్ ఎంత సంతోషంగా ఉన్నారో తెలియదు కానీ.. అనసూయ మాత్రం చాలా సంతోషంగా ఉంది అనే చెప్పాలి. ఈ విషయం పై నిన్న ఆమె వేసిన ట్వీట్ పెద్ద ఉదాహరణగా చెప్పుకోవాలి. ‘అమ్మని అన్న ఉసురు ఊరికే పోదు’ అంటూ పరోక్షంగా ‘లైగర్’ రిజల్ట్ గురించి ఆమె ట్వీట్ వేసింది.
ఇందుకు విజయ్ అభిమానులు అలాగే మరికొంతమంది నెటిజన్లు ఆమె పై మండిపడ్డారు. ఈ క్రమంలో అనసూయ “నన్ను ఎవరైతే అసభ్యంగా దూషిస్తున్నారో, మీ దూషణలు అన్నీ మీ అభిమాన హీరో, హీరోలకు మళ్లిస్తున్నానని మీరు దూషిస్తున్నారు అంటే అది మీ సమస్య, మీ ఖరాబైన బుర్రల నుంచి అవి వస్తున్నాయి కాబట్టి అది మీ సమస్య మాత్రమే, నా సమస్య కాదంటూ” ఆమె మరో ట్వీట్ వేసింది.
ఇక ఈరోజు “చి చి అసలు ఎంత చెత్త బాబోయ్, క్లీన్ చేసి చేసి విసుగొస్తుంది” అంటూ తాను ఎదుర్కొంటున్న నెగిటివ్ కామెంట్స్ గురించి పరోక్షంగా మరో ట్వీట్ వేసింది. కాసేపటికి ఆమెను ‘ఆంటీ’ అని ఏజ్ షేమింగ్ చేస్తున్నారంటూ ప్రతి స్క్రీన్ షాట్ తీసుకుంటున్నానని వారి పై సైబర్ క్రైమ్ పోలీస్ స్టేషన్లో కేసు పెడుతున్నానని ట్వీట్లు వేస్తుంది. దీంతో అనసూయ పై నాన్ స్టాప్ ట్రోల్స్ వస్తూనే ఉన్నాయి.
‘ఆంటీ అంటే జైల్లో పెట్టిస్తాను అంటే .. ట్విట్టర్ అకౌంట్ ఉన్న సగం మంది జైల్లోనే ఉంటారు.’ అంటూ ఓ నెటిజన్ ట్వీట్ వేస్తే.. ‘ఇక్కడ చాలా జైళ్లు, చాలా సెక్షన్లు ఉన్నాయి..’ అంటూ ఆమె బదులిచ్చింది. ఇలా చాలా ట్వీట్లు ఇప్పుడు వైరల్ అవుతున్నాయి. ఏకంగా ‘ఆంటీ (‘Aunty) అనే ట్యాగ్ ట్విట్టర్లో ట్రెండ్ అవుతుంది అంటే ఈ టాపిక్ ఏ రేంజ్లో వైరల్ అవుతుందో అర్ధం చేసుకోవచ్చు. ఈ విషయంలో మాత్రం అనసూయ తగ్గేదే లే అన్నట్టు వ్యవహరిస్తోంది.
Here by..taking screenshot of every account abusing me..age shaming me by calling“Aunty”..involving my family into this and I will file a case and take it to a point where you will regret getting to me without any legit reason..this is my final warning..
— Anasuya Bharadwaj (@anusuyakhasba) August 26, 2022
Most Recommended Video
‘లైగర్’ కచ్చితంగా చూడడానికి గల 10 కారణాలు..!
మహేష్ టు మృణాల్.. వైజయంతి మూవీస్ ద్వారా లాంచ్ అయిన స్టార్ల లిస్ట్..!
‘తమ్ముడు’ టు ‘లైగర్’… బాక్సింగ్ నేపథ్యంలో రూపొందిన సినిమాల లిస్ట్..!
