ఈరోజు అంటే ఆగస్టు 25న విజయ్ దేవరకొండ నటించిన ‘లైగర్’ చిత్రం ప్రేక్షకుల ముందుకు వచ్చింది. సరిగ్గా 5 ఏళ్ల క్రితం ఇదే రోజున(ఆగస్టు 25న) ఇదే హీరో నటించిన ‘అర్జున్ రెడ్డి’ చిత్రం ప్రేక్షకుల ముందుకు వచ్చింది. ‘అర్జున్ రెడ్డి’ .. టీజర్ తోనే అందరిలోనూ క్యూరియాసిటీ క్రియేట్ చేయడమే కాకుండా ఎన్నో వివాదాలకు కూడా తెరలేపింది. అందుకు కారణం ఆ టీజర్ లో విజయ్ దేవరకొండ ‘మాదా** చో*’ అని పలకడమే. ఈ ఇష్యూ పై దర్శకుడు కూడా స్పందించడం జరిగింది.
‘బాగా అగ్రెసివ్ గా ఉన్నప్పుడు ఓ మనిషి సహనం కోల్పోయి ఏదేదో మాట్లాడుతూ ఉంటాడు. ఇది హ్యూమన్ నేచర్’ అని కూడా అన్నాడు. ఈ విషయాన్ని అందరూ మర్చిపోయారు అనుకున్న టైంలో అనసూయ రంగంలోకి దిగి విషయాన్ని పెద్దది చేసింది.’అమ్మని అలా బూతులు తిట్టడం ఏంటి?’ అంటూ ఆమె మీడియా ముందుకు వచ్చి ఇష్యుని జనరలైజ్ చేసి రెచ్చిపోయింది. ‘కబీర్ సింగ్'(అర్జున్ రెడ్డి హిందీ రీమేక్) రిలీజ్ టైంలో కూడా ఆమె చేసిన హడావిడి అంతా ఇంతా కాదు.
‘జబర్దస్త్’ హోస్ట్ గా చేసినా, మరేదైనా షోకి హోస్ట్ గా చేసినా అనసూయ డబుల్ మీనింగ్ లు వాడిన సందర్భాలు అనేకం ఉన్నాయి. ఆమె పై డబుల్ మీనింగ్ డైలాగులు పడ్డ సందర్భాలు కూడా చాలా ఉన్నాయి. కానీ వాటి గురించి ఆమె షోల నుండి తప్పుకుంది లేదు. అదే షో ల ద్వారా డబ్బులు సంపాదించుకుంది. ఇది పక్కన పెడితే ఈరోజు ‘లైగర్’ రిలీజ్ అయ్యి డిజాస్టర్ టాక్ ను మూటకట్టుకుంది. దీంతో అనసూయ మరోసారి ‘అర్జున్ రెడ్డి’ విషయం పై పరోక్షంగా స్పందించింది.
“అమ్మని అన్న ఉసురు ఊరికే పోదు. కర్మ.. కొన్నిసార్లు రావటం లేటవ్వచ్చేమో కాని రావటం మాత్రం పక్కా!! #NotHappyOnsomeonesSadness but #FaithRestored” అంటూ ఆమె ట్వీట్ చేసింది. ఇది కచ్చితంగా ‘అర్జున్ రెడ్డి’ ఇష్యు గురించే అని అంతా భావిస్తున్నారు. అయితే విజయ్ దేవరకొండ నిర్మాణంలో అనసూయ ‘మీకు మాత్రమే చెప్తా’ అనే చిత్రంలో కూడా నటించింది. అయినా సరే అతని సినిమా ప్లాపైతే ఇలా సంతోషం వ్యక్తం చేయడం ఏంటో అర్థం కాని పరిస్థితి.
అమ్మని అన్న ఉసురు ఊరికే పోదు. కర్మ.. కొన్నిసార్లు రావటం లేటవ్వచ్చేమో కాని రావటం మాత్రం పక్కా!!#NotHappyOnsomeonesSadness but #FaithRestored
— Anasuya Bharadwaj (@anusuyakhasba) August 25, 2022
Most Recommended Video
‘లైగర్’ కచ్చితంగా చూడడానికి గల 10 కారణాలు..!
మహేష్ టు మృణాల్.. వైజయంతి మూవీస్ ద్వారా లాంచ్ అయిన స్టార్ల లిస్ట్..!
‘తమ్ముడు’ టు ‘లైగర్’… బాక్సింగ్ నేపథ్యంలో రూపొందిన సినిమాల లిస్ట్..!
Home