బుల్లితెరకి కొత్త అందాన్ని తీసుకొచ్చిన ముద్దుగుమ్మ అనసూయ. మొట్టమొదట ఆమెకి పవన్‌కళ్యాణ్ “అత్తారింటికి దారేది”లో ఐటెమ్ సాంగ్ చేసే అవకాశమొచ్చింది. కానీ అప్పట్లో నో చెప్పి అందరినీ ఆశ్చర్యపరిచింది. ఆ పాట ఎందుకు చేయలేదో కూడా ఆ తర్వాత కారణాలు చెప్పింది. ఆయితే తర్వాత్తర్వాత కూడా ఐటెమ్ పాటల కోసం ఆమెని పలు ఆఫర్లు వరించాయి. కానీ వాటిని ఒప్పుకోకుండా “క్షణం, సోగ్గాడే చిన్నినాయన, రంగస్థలం” చిత్రాల్లో నటించింది. ఆ రెండు చిత్రాలు ఆమెకి మంచి పేరునే తీసుకొచ్చాయి. దాంతో అనసూయ ఓ రేంజ్ హీరోయిన్‌గా మారిపోయింది. తన అందంతో ఆకట్టుకుంటూ బుల్లితెరని సైతం వేడెక్కిస్తున్న అనసూయ, ఇటీవల మరో ఐటెమ్ పాటలో ఆడిపాడటానికి ఒప్పుకొందట.
వెంకటేష్, వరుణ్ తేజ్ హీరోలుగా అనిల్ రావిపూడి దర్శకత్వంలో తెరకెక్కుతున్న “ఎఫ్ 2″లో అనసూయ ఓ స్పెషల్ సాంగ్ చేసేందుకు సమ్మతించిందని సమాచారం. “విన్నర్” తర్వాత అనసూయకి చాలా ఐటెమ్ సాంగ్ ఆఫర్స్ వచ్చినప్పటికీ.. “ఎఫ్ 2” సినిమాలో స్పెషల్ సాంగ్ మాత్రమే అంగీకరించడం విశేషం.
Home