థ్యాంక్ యు బ్రదర్ అంటున్న ప్రేగ్నెంట్ అనసూయ

November 29, 2020 / 12:48 PM ISTByFilmy Focus

Join Us

థ్యాంక్ యు బ్రదర్ అంటున్న ప్రేగ్నెంట్ అనసూయ

అనసూయ అంటే గ్లామర్, గ్లామర్ అంటే అనసూయ అన్నట్లు అయిపొయింది. అమ్మడి ఫోజులు, షోకులు, కాస్ట్యూమ్స్ కూడా అలానే ఉంటాయి అనుకోండి. అయితే.. ఇప్పుడు ఆ బ్రాండ్ ఇమేజ్ ను మార్చుకోవడానికి నానా ఇబ్బందులుపడుతోంది అనసూయ. “రంగస్థల” చిత్రంలో నటిగా ప్రూవ్ చేసుకోవడానికి ప్రయత్నించినప్పటికీ.. ఆ క్యారెక్టర్ లోనే గ్లామర్ నే చూసారు జనాలు. అందుకే ఈసారి గ్లామర్ తో కాక యాక్టింగ్ గ్రామర్ తో ఆకట్టుకోవడానికి సమాయత్తమైంది. నిన్న విడుదలైన “థ్యాంక్ యు బ్రదర్” ఫస్ట్ లుక్ లో అనసూయ ప్రెగ్నెంట్ అనే విషయంలో క్లారిటీ వచ్చింది.

ఈ ప్రెగ్నన్సీ వెనుకనే కథ మొత్తం ఉందట. ప్రియ అనే ఆధునిక యువతి పాత్రలో అనసూయ కనిపించనుంది. ఇకపోతే.. ప్రియా అనే పాత్ర తెలియకుండానే ప్రెగ్నెంట్ అవుతుందని, తండ్రి ఎవరు అనే విషయం కనుక్కోవడమే ప్రధానాంశంగా సినిమా సాగుతుందని తెలుస్తుంది. అందుకు సహాయపడే పాత్రలో విరాజ్ కనిపించనున్నాడని తెలుస్తోంది. మరి ఇంటర్నెట్ లో హల్ చల్ చేస్తున్న ఈ కథలో నిజమెంత అనేది తెలియదు కానీ.. స్టోరీ మాత్రం బాగుంది.

మరి ఈ స్టోరీ అనసూయ ఇమేజ్ చేంజ్ కు ఎంతవరకు ఉపదయోగపడుతుందో చూడాలి. త్వరలోనే అనసూయ మాస్ మహారాజ రవితేజ సరసన ఓ చిత్రంలో కథానాయికగా నటించే అవకాశాలు ఉన్నాయని కూడా వార్తలొస్తున్న తరుణంలో అనసూయ ఇప్పుడు నటిగా తనను తానూ ప్రూవ్ చేసుకోవడానికి చేసే ప్రయత్నానికి మంచి ఆదరణ లభించే అవకాశాలు పుష్కలంగా ఉన్నాయి.