Anchor Pradeep: యాంకర్ ప్రదీప్ ఎమోషనల్ పోస్ట్!

May 24, 2021 / 01:40 PM ISTByFilmy Focus

Join Us

Anchor Pradeep: యాంకర్ ప్రదీప్ ఎమోషనల్ పోస్ట్!

ప్రముఖ యాంకర్ ప్రదీప్ మాచిరాజు తండ్రి ఇటీవల మరణించిన సంగతి తెలిసిందే. అయితే ఇప్పటివరకు తండ్రి మరణంపై మాట్లాడని ప్రదీప్.. తాజాగా స్పందించాడు. తన తండ్రితో ఉన్న అనుబంధాన్ని పంచుకుంటూ సోషల్ మీడియా వేదికగా భావోద్వేగానికి లోనయ్యాడు. రీసెంట్ గా ఇన్స్టాగ్రామ్ లో ఓ పోస్ట్ షేర్ చేస్తూ.. అందులో తన తండ్రి గురించి గొప్పగా రాసుకొచ్చాడు. జీవితంలో ఎదురయ్యే ఎలాంటి పరిస్థితులనైనా చిరునవ్వుతో ఎలా ఎదుర్కోవాలో నేర్పించారు.. నేనేం చేసినా మీకు గౌరవం కలిగించే పనే చేస్తానంటూ రాసుకొచ్చాడు.

మరిన్ని విషయాలు చెబుతూ.. ”నేను ఎలాంటి నిర్ణయం తీసుకున్నా.. అది మంచి, చెడు అనేది ఆలోచించకుండా మీరు నా వెంట ఉన్నారు. బాధతో ముక్కలైన నా మనసుని మీ ప్రేమతో బాగు చేసేవారు. మీ ధైర్యం ఎన్నో సార్లు స్ఫూర్తినిచ్చింది. నా కాళ్ల మీద నన్ను నిలబడేలా చేసింది. మీకు నాకు ఎప్పటికీ స్పెషల్. జీవితంలో నేను ఎలాంటి పరిస్థితుల్లో ఉన్నా.. మిమ్మల్ని ప్రేమించడం మాత్రం ఆపలేను. మీరు కోరుకున్నట్లుగానే నా చుట్టూ ఉన్నవారిని, ప్రేక్షకులను ఎంటర్టైన్ చేస్తూ నవ్విస్తుంటా. ఇక మనం కలిసే వరకు నేను మిమ్మల్ని మిస్ అవుతూనే ఉంటా నాన్న. ఐ మిస్ యూ” అంటూ ఎమోషనల్ గా రాసుకొచ్చింది.

ఈ పోస్ట్ చూసిన నెటిజన్లు ప్రదీప్ కి ధైర్యం చెబుతూ కామెంట్స్ చేస్తున్నారు. ఇదిలా ఉండగా రీసెంట్ గా ప్రదీప్ కి కరోనా పాజిటివ్ వచ్చింది. దీంతో అతడు వెంటనే హోమ్ క్వారెంటైన్ లోకి వెళ్లిపోయాడు. అయితే ఇప్పటివరకు తన ఆరోగ్యంపై ప్రదీప్ ఎలాంటి అప్డేట్ ఇవ్వలేదు. ఈ క్రమంలో ప్రదీప్ తండ్రి అనారోగ్యంతో మరణించడం ఆయన అభిమానులకు ఎంతో బాధను కలిగిస్తోంది.