Anchor Ravi: పెళ్లి గురించి అబద్ధం చెప్పడానికి కారణాలివే.. యాంకర్ రవి ఏమన్నారంటే?

బుల్లితెర రంగంలో సుదీర్ఘకాలం యాంకర్ గా కెరీర్ ను కొనసాగించడం సులువు కాదు. అయితే యాంకర్ రవి మాత్రం తన ప్రతిభతో ఎక్కువ రోజుల పాటు యాంకర్ గా కెరీర్ ను కొనసాగించి ప్రశంసలు అందుకున్నారు. ఇప్పటికీ రవి అడపాదడపా ఆఫర్లతో కెరీర్ పరంగా ఒకింత బిజీగానే ఉన్నారు. అయితే యాంకర్ రవి తన పెళ్లి గురించి నిజాన్ని దాచి చాలా సంవత్సరాల పాటు యాంకర్ గా కెరీర్ ను కొనసాగించారు.

యాంకర్ లాస్య (Lasya Manjunath) ఒక ఇంటర్వ్యూలో రవి పెళ్లి గురించి వెల్లడించడంతో రవి పెళ్లికి సంబంధించిన రహస్యాలు వెల్లడయ్యాయి. అయితే పెళ్లికి సంబంధించి అబద్ధం చెప్పడానికి గల కారణాలను రవి వెల్లడించారు. నేను కొరియోగ్రాఫర్ కావాలని అనుకొని ఇండస్ట్రీకి వచ్చానని కొందరు హీరోల దగ్గర నా ఆసక్తిని బయటపెట్టగా నాగార్జున (Nagarjuna) గారు సంథింగ్ స్పెషల్ షోలో ఛాన్స్ ఇచ్చారని అలా నా ప్రయాణం మొదలైందని రవి అన్నారు.

నేను నా భార్యతో కలిసి ఎక్కడికి వెళ్లినా నన్ను చూపించి కో యాంకర్ భర్త అని కామెంట్ చేసేవారని నిత్య నేను తన భర్తనని చెప్పినా నమ్మేవారు కాదని రవి అన్నారు. ప్రేక్షకుల ఆలోచనలు మరోలా ఉండటంతో నా భార్యను ఆలస్యంగా పరిచయం చేశానని రవి కామెంట్లు చేశారు. బిగ్ బాస్ రియాలిటీ షో వల్ల చాలామంది నిజ జీవితాలు ఖరాబ్ అయ్యాయని యాంకర్ రవి కామెంట్లు చేశారు.

బిగ్ బాస్ హౌస్ లో జరిగేవాటిని అస్సలు జడ్జ్ చేయొద్దని రవి పేర్కొన్నారు. బిగ్ బాస్ హౌస్ కు వెళ్లిన తర్వాత నేను నా కూతురి ఫేస్ కూడా మరిచిపోయానని రవి వెల్లడించారు. నా కూతురు ఎలా ఉంటుందో కూడా గుర్తు రాలేదని యాంకర్ రవి కామెంట్లు చేశారు. బిగ్ బాస్ హౌస్ లో ఏం జరుగుతుందో మొత్తం ప్రేక్షకులకు చూపించరని రవి అన్నారు. రవి చెప్పిన విషయాలు నెట్టింట వైరల్ అవుతున్నాయి.