సినిమా షూటింగ్ సమయంలో దర్శకులకు, నటీనటులకు మధ్య చిన్న చిన్న గొడవలు వస్తుంటాయి. అవి కామనే. తాజాగా ‘ఎఫ్3’ సినిమా షూటింగ్ సమయంలో కూడా తమన్నాకి మేకర్స్ కి మధ్య గొడవ జరిగిందనే వార్త బయటకొచ్చింది. అందుకే తమన్నా ప్రమోషన్స్ లో కనిపించడం లేదని ప్రచారం జరిగింది. అయితే ఈ విషయంపై తాజాగా దర్శకుడు అనిల్ రావిపూడి స్పందించారు. రీసెంట్ గా జరిగిన ఓ ఇంటర్వ్యూలో ఈ గొడవ గురించి క్లారిటీ ఇచ్చారు దర్శకుడు.
నిజానికి ‘ఎఫ్3’ సినిమా కోసం చాలా మంది ఆర్టిస్టులు పని చేశారు. ప్రతిరోజు చాలా మంది నటీనటులు సెట్స్ లో ఉండేవారు. ఇక కాంబినేషన్ సీన్స్ అంటే ఎవరో ఒకరు అడ్జస్ట్ అవ్వాల్సి ఉంటుంది. ఇచ్చిన సమయం కంటే ఎక్కువ టైమే పట్టొచ్చు. ‘ఎఫ్3’ షూటింగ్ లో ఒకరోజు మిగతా ఆర్టిస్ట్ ల కాంబినేషన్ లో తమన్నా ఓ సీన్ చేయాల్సి ఉంది. అయితే అప్పటికే ఆమె టైం అయిపోయిందని, ఉదయాన్నే జిమ్ కి వెళ్లాలని..తను వెళ్లిపోతానని చెప్పిందట.
దాంతో అనిల్ రావిపూడికి తమన్నాకి మధ్య చిన్న సంభాషణ జరిగిందట. రెండు, మూడు రోజులు సెట్స్ లో ఈ ఇద్దరూ సరిగ్గా మాట్లాడుకోలేదట. కానీ మళ్లీ అంతా సెట్ అయిపోయిందని అనిల్ రావిపూడి చెప్పుకొచ్చారు. మరి సినిమా ప్రమోషన్స్ లో తమన్నా ఎందుకు కనిపించలేదని అడగ్గా.. ఆమె వేరే సినిమా షూటింగ్ లో బిజీగా ఉందని, అందుకే రాలేదని చెప్పారు.
మొత్తానికి తమన్నాతో గొడవ గురించి అనిల్ క్లారిటీ ఇచ్చేశారు. ఆమె ప్రమోషన్స్ కి ఎందుకు రాలేదనే విషయాన్ని కూడా క్లియర్ గా చెప్పారు. ఇక ‘ఎఫ్4’ సినిమాలో హీరోయిన్స్ ని రిపీట్ చేయనని.. తొంబై శాతం వాళ్లు ఉండకపోవచ్చని అనిల్ చెప్పారు. వెంకీ, వరుణ్ తేజ్ లతో పాటు మరో హీరో కూడా ఉండేలా ప్లాన్ చేస్తున్నామని చెప్పుకొచ్చారు.
Most Recommended Video
విక్రమ్ సినిమా రివ్యూ & రేటింగ్!
వెంకీ టు నితిన్… ఛాలెంజింగ్ పాత్రలు చేసిన 10 మంది హీరోల లిస్ట్
ప్రభాస్ టు నాని… నాన్ థియేట్రికల్ రైట్స్ రూపంలో భారీగా కలెక్ట్ చేసే హీరోలు..!
Home