‘అర్జున్ రెడ్డి’ సినిమా వచ్చాక ‘ఇదేంట్రా బాబూ ఇంత వైల్డ్‌గా ఉంది’ అని అనుకున్నారు జనాలు. దర్శకుడు సందీప్ రెడ్డి వంగా రెండో సినిమాకు ఇంకెంత వైల్డ్‌ నెస్‌ చూపిస్తారో అని అనుకుంటే… రెండోసారి కూడా అదే సినిమా హిందీలో తీసి తనలోని వైల్డ్‌నెస్‌ హైని కాస్త లేట్‌ చేశారు. మూడో సినిమాగా ‘యానిమల్’ తీసి టూ వైల్డ్‌ అనిపించుకున్నారు. త్వరలో స్టార్ట్‌ చేసే ప్రభాస్ ‘స్పిరిట్‌’ ఇంకా వైల్డ్‌ అంటున్నారు. ఆ తర్వాత వచ్చే సినిమా సంగతి కూడా బయటకికొచ్చింది.
‘యానిమల్’ సినిమా ఇప్పటికే చూసినవాళ్లకు, సోషల్‌ మీడియాలో స్పాయిలర్స్‌ చూసినవాళ్లకు ఆ తర్వాత వచ్చే సినిమా ఏంటో, పేరేంటో కూడా తెలిసే ఉంటుంది. అదే ‘యానిమల్ పార్క్‌’. అవును ‘యానిమల్’ సినిమాకు రెండోపార్టు ఈ పేరుతోనే రాబోతోంది. అయితే ఇప్పట్లో సినిమా స్టార్ట్‌ అవ్వదు కానీ… ఆ సినిమా ఎలా ఉండబోతోంది అనే విషయాన్ని సందీప్ రెడ్డి వంగా ఇటీవల ఓ సందర్భంలో చెప్పుకొచ్చారు. ఇప్పుడు ఆ మాటలు వైరల్‌గా మారాయి.
డిసెంబర్‌ 1న ప్రేక్షకుల ముందుకొచ్చిన ‘యానిమల్’ అంచనాలకు మించిన విజయాన్ని అందుకుంది. యాక్షన్‌ ప్రియులకు కావలసినంత ఎంటర్‌టైన్‌మెంట్‌ ఇచ్చిన ఈ సినిమాకు సీక్వెల్‌ ‘యానిమల్ పార్క్‌’ అందరిలో ఆసక్తి మొదలైంది. ఈ సినిమా గురించి సందీప్ మాట్లాడుతూ సీక్వెల్‌లో మరిన్ని బలమైన పాత్రలు ఉంటాయని చెప్పారు. గతంలో వచ్చిన సినిమాల కంటే ఎక్కువ థ్రిల్‌ పక్కా అందిస్తామని చెబుతున్నారు.
రెండో ‘యానిమల్’లో (Animal) రణ్‌బీర్‌ కపూర్ పాత్ర ఇంకాస్త క్రూరంగా ఉంటుందట. మరోవైపు బాబీ డియోల్ కూడా ఈ సినిమా గురించి మాట్లాడాడు ‘సందీప్ దర్శకత్వంలో నటించడానికి ఎప్పుడూ సిద్ధమే. సీక్వెల్‌ స్టార్ట్‌ అవ్వడానికి చాలా సమయం పట్టొచ్చు. ‘యానిమల్’ సినిమా చూసిన వారికి ‘యానిమల్ పార్క్‌’ తన పాత్రపై ఓ అంచనా వచ్చేసి ఉంటుంది. ఆ అంచనాలు మించేలా ఆ పాత్రను సందీప్ సిద్ధం చేస్తారు అని బాబీ అన్నాడు.
యానిమల్ సినిమా రివ్యూ & రేటింగ్!
దూత వెబ్ సిరీస్ రివ్యూ & రేటింగ్!
‘వీరమల్లు’ టు ‘ ఆర్.టి.జి.ఎం 4’ హోల్డ్ లో పడిన 10 ప్రాజెక్టులు ఇవే..!
Home