అనిరుధ్ తెలుగు డెబ్యూ సెట్ అయ్యింది

పవన్ కళ్యాణ్, త్రివిక్రమ్ లేటెస్ట్ సెన్సేషన్ ‘అజ్ఞాతవాసి’ జనవరి 10 న అత్యంత భారీ ఎత్తున రిలీజ్ కాబోతున్న విషయం తెలిసిందే. పవన్ కళ్యాణ్ సరసన ఈర్తి సురేష్, అను ఎమ్మాన్యూల్ కథానాయికలుగా నటిస్తున్న ఈ చిత్రం ఇంకో రెండు మూడు రోజుల్లో అడ్వాన్స్ బుకింగ్స్ సైతం ప్రారంభమవ్వనున్నాయి. జనవరి 9వ తేదీ మిడ్ నైట్ నుండి “బాహుబలి 2” తరహాలో షోస్ ప్లాన్ చేస్తున్నారు చిత్ర బృందం. ఇటీవల సెన్సార్ పూర్తి చేసుకొని “యు/ఎ” అందుకొన్న “అజ్ణాతవాసి”కి సెన్సార్ సభ్యుల నుండి కూడా పాజిటివ్ రెస్పాన్స్ లభించింది. .

ఇక పవన్ ఈ సినిమా కోసం పాడిన “కొడకా కోటేశ్వర రావు” నూతన సంవత్సరం కానుకగా డిసెంబర్ 31న విడుదలై, యూట్యూబ్ లో ప్రకంపనలు సృష్టిస్తున్న విషయం తెలిసిందే. ఇప్పటివరకూ 5.5 మిలియన్ వ్యూస్ దక్కించుకొని యూట్యూబ్ ట్రెండింగ్ లిస్ట్ లో రచ్చ చేస్తున్న ఈ సాంగ్ లో కోలీవుడ్ మ్యూజిక్ సెన్సేషన్ అనిరుధ్ కూడా మెరవనున్నాడని తెలుస్తోంది. ఈ విషయాన్ని అనిరుధ్ తన సన్నిహితులతో ఆల్రెడీ చెప్పాడట. పాటలో వచ్చే తొలి చరణంలో “అసలు నా ఊపందుకొనే యంగ్ అండ్ టాలెంటెడ్ మ్యూజీషియన్స్ లేరా ??” అని పవన్ కళ్యాణ్ అడిగే సందర్భంలో అనిరుధ్ ఎంట్రీ ఉంటుందట. సదరు సన్నివేశాన్ని త్రివిక్రమ్ ప్రత్యేక శ్రద్ధ తీసుకొని తెరకెక్కించాడట. సో, “అజ్ణాతవాసి”తో మ్యూజిక్ డైరెక్టర్ గా మాత్రమే కాక నటుడిగానూ తెలుగు తెరకు పరిచయమవ్వనున్నాడు అనిరుధ్.