దక్షిణాదిలో అనిరుధ్‌ సంగీతమంటే అదో కిక్‌. బ్యాగ్రౌండ్‌ మ్యూజిక్‌గానీ, పాటలు గానీ… అనిరుధ్‌కంటూ ప్రత్యేక స్టైల్‌ ఉందనే చెప్పాలి. ఇప్పటివరకు చేసిన సినిమాల్ని గమనిస్తే ఇది సులభంగా తెలుస్తుంది. అయితే మధ్యలో ఒకటి రెండు సినిమాలు మిస్‌ ఫైర్‌ అయ్యాయనుకోండి. అయితే ఆ సినిమా సంగీతానికి అనడం లేదు. ఇదంతా ఇప్పుడెందుకు అనుకుంటున్నారా… దక్షిణాదిని దడదడలాడించిన అనిరుధ్‌… ఇప్పుడు బాలీవుడ్‌కి వెళ్తున్నాడట. బాలీవుడ్‌ బాద్‌షా షారుఖ్‌ ఖాన్‌తో అట్లీ ఓ సినిమా చేయబోతున్న విషయం తెలిసిందే.
త్వరలోనే సినిమా పట్టాలెక్కనుంది. ప్రస్తుతం దీనికి సంబంధించిన పూర్వ నిర్మాణ కార్యక్రమాలు జరుగుతున్నాయి. మరోవైపు కాస్ట్‌ అండ్‌ క్రూ సెలక్షన్‌ కూడా చేస్తున్నారట. ఈ క్రమంలో సంగీత దర్శకుడిగా అనిరుధ్‌ పేరు పరిశీలనకు వచ్చిందట. అట్లీ, అనిరుధ్‌ది సౌత్‌లో మంచి హిట్ కాంబో. అందుకే అనిరుధ్‌కే అట్లీ ఓటేస్తున్నాడట. ఇక ఈ సినిమా గురించి చూస్తే… సౌత్‌ మాస్‌ మసాలా కాన్సెప్ట్‌లోనే ఈ సినిమా ఉంటుందని అంటున్నారు. ఇందులో కథానాయికగా నయనతారను తీసుకున్నారట.
ఇప్పుడు అనిరుధ్‌ కూడా ఈ సినిమాలో పార్ట్‌ కాబోతున్నాడు. ఇదంతా చూస్తుంటే చాలా ఏళ్లుగా సరైన హిట్ లేని షారుఖ్‌ ఖాన్‌… ఈ సినిమాతో మొత్తం దేశాన్నే తనవైపు తిప్పకోవడానికి ప్రయత్నాలు చేస్తున్నట్లు అర్థమవుతోంది.
Most Recommended Video
చాలా డబ్బు వదులుకున్నారు కానీ ఈ 10 మంది యాడ్స్ లో నటించలేదు..!
గత 5 ఏళ్లలో టాలీవుడ్లో రూపొందిన సూపర్ హిట్ రీమేక్ లు ఇవే..!
రాజ రాజ చోర సినిమా రివ్యూ& రేటింగ్!
