దర్శకుడు పూరి జగన్నాథ్ చాలా కాలంగా హిట్టు పడక ఇబ్బంది పడుతున్నారు. భారీ అంచనాల మధ్య విడుదలైన ‘లైగర్’ సినిమా డిజాస్టర్ అయింది. విజయ్ దేవరకొండ అభిమానులకు కూడా ఈ సినిమా నచ్చలేదు. ఈ సినిమాతో నిర్మాతలు, బయ్యర్లు భారీగా నష్టపోయారు. విజయ్ కి ఇవ్వాల్సిన రెమ్యునరేషన్ కూడా పూర్తిగా ఇవ్వలేదని సమాచారం. ఇదిలా ఉండగా.. ఈ సినిమా రిలీజ్ కు ముందు విజయ్ దేవరకొండ హీరోగా ‘జనగణమన’ సినిమాను మొదలుపెట్టారు పూరి.
నిజానికి ఈ సినిమాను మహేష్బాబు తో తీయాలనుకున్నారు. కానీ ఆయన రిజెక్ట్ చేయడంతో ఆ కథ విజయ్ దగ్గరకు వచ్చింది. అయితే ‘లైగర్’ సినిమా ప్లాప్ అవ్వడంతో ‘జనగణమన’ సినిమా ఆగిపోయిందని ప్రచారం జరిగింది. భారీ బడ్జెట్ తో ఈ సినిమాను నిర్మించాలనుకున్నారు. కానీ ఇప్పుడున్న పరిస్థితుల్లో ‘జనగణమన’ వర్కవుట్ అవ్వదని భావిస్తున్నారు. మొన్నామధ్య విజయ్ ను ఈ సినిమా గురించి ప్రశ్నించగా.. ఆయన సమాధానం చెప్పకుండా తప్పించుకున్నారు.
దీంతో విజయ్ కి ఈ సినిమా మీద ఇంట్రెస్ట్ లేదని.. సినిమా ఆగిపోయిందని జనాలు ఫిక్స్ అయిపోయారు. అందుతున్న సమాచారం ప్రకారం.. పూరి జగన్నాథ్.. ‘జనగణమన’ సినిమాను బాలీవుడ్ హీరోతో చేయాలనుకుంటున్నారు. ఇటీవల రణవీర్ సింగ్, విక్కీ కౌశల్ లతో ఆయన టచ్ లోకి వెళ్లారట.
వీరిద్దరిలో ఎవరో ఒకరిని ‘జనగణమన’ ప్రాజెక్ట్ కోసం ఒప్పించాలని చూస్తున్నారట. మరి ఇందులో ఎంతవరకు నిజముందో తెలియాలంటే కొంతకాలం ఆగాల్సిందే. మరోపక్క.. రామ్ పోతినేనితో పూరి జగన్నాథ్ సినిమా చేసే ఛాన్స్ ఉందని అంటున్నారు. మరేం జరుగుతుందో చూడాలి!
Most Recommended Video
ఓరి దేవుడా సినిమా రివ్యూ & రేటింగ్!
ప్రిన్స్ సినిమా రివ్యూ & రేటింగ్!
అత్యధిక కేంద్రాల్లో సిల్వర్ జూబ్లీ ప్రదర్శించబడిన సినిమాల లిస్ట్ ..!
