జనతా గ్యారేజీ కోసం ప్రత్యేక సెట్

“ఇచట అన్ని రిపేర్లు చేయబడును..” ఇదే ఎన్టీఆర్ కొత్త సినిమా జనతా గ్యారేజీ టాగ్ లైన్. ఈ ఒక్క లైన్ తోనే సినిమా ఎంత పవర్ ఫుల్ గా ఉండబోతుందో చెప్పేసాడు డైరక్టర్ కొరటాల శివ. ఈ సినిమాతో హ్యాట్రిక్ కొట్టే విధంగా చిత్రీకరిస్తున్నాడు. యాక్షన్ పార్ట్ దాదాపు పూర్తి కావడంతో పాటల షూటింగ్ పై చిత్ర బృందం దృష్టి పెట్టింది. ఇందుకోసం అన్నపూర్ణ స్టూడియో ఫ్లోర్ లో పెద్ద సెట్ వేస్తోంది.

ఎన్టీఆర్ సినిమాలో పాటలు ప్రత్యేక ఆకర్షణగా నిలుస్తాయి. ఎందుకంటే యంగ్ టైగర్ విజిల్స్ వేయించేల స్టెప్పులు వేస్తాడు. అందుకోసం సెట్ ని అందంగా డిజైన్ చేయిస్తున్నారు. మరో రెండురోజుల్లో పాట చిత్రీకరణలో ఎన్టీఆర్ పాల్గొంటారని సమాచారం. ఈ సినిమాకి దేవి శ్రీ ప్రసాద్ ఇచ్చిన ట్యూన్స్ మాస్ ప్రేక్షకులను ఉర్రూతలూగిస్తుందని చిత్ర యూనిట్ ధీమాగా చెబుతోంది. అయితే నో డౌట్… ఎన్టీఆర్ అభిమానులకు దసరాతో పాటు జనతా గ్యారేజీ మరో పండుగ కానుంది.