Ante Sundaraniki Collections: మొదటి సోమవారం దారుణంగా పడిపోయాయి..!

నేచురల్ నాని హీరోగా నజ్రియా ఫహాద్ హీరోయిన్ గా వివేక్ ఆత్రేయ దర్శకత్వంలో తెరకెక్కిన చిత్రం ‘అంటే సుందరానికీ!’. ‘మైత్రి మూవీ మేకర్స్’ బ్యానర్ పై నవీన్ ఎర్నేని, వై.రవి శంకర్ ఈ చిత్రాన్ని నిర్మించారు. జూన్ 10న తెలుగుతో పాటు మలయాళ, తమిళ భాషల్లో కూడా రిలీజ్ అయిన ఈ చిత్రం పాజిటివ్ టాక్ ను సంపాదించుకుంది కానీ మంచి మొదటి రోజు కలెక్షన్లు ఆశించిన స్థాయిలో నమోదు కాలేదు.రెండో రోజు, మూడో రోజు పర్వాలేదు అనిపించింది.

మొత్తంగా ఫస్ట్ వీకెండ్ ఓకే అనిపించింది కానీ బ్రేక్ ఈవెన్ టార్గెట్ పెద్దగా ఉండటంతో.. ఇంకా బాగా రాణించాల్సిన అవసరం ఉంది. అయితే నిన్న మొదటి సోమవారం రోజున ఈ మూవీ కలెక్షన్లు దారుణంగా పడిపోయాయి. ఒకసారి ‘అంటే సుందరానికీ!’ 4 డేస్ కలెక్షన్స్ ని గమనిస్తే :

‘అంటే సుందరానికీ!’ చిత్రానికి రూ.30.3 కోట్ల థియేట్రికల్ బిజినెస్ జరిగింది. బ్రేక్ ఈవెన్ కు ఈ చిత్రం రూ.31 కోట్ల షేర్ ను రాబట్టాలి. కానీ 4 రోజులు పూర్తయ్యేసరికి ఈ చిత్రం కేవలం రూ.15.89 కోట్ల షేర్ ను మాత్రమే రాబట్టింది. బ్రేక్ ఈవెన్ కు మరో రూ.15.11 కోట్ల షేర్ ను రాబట్టాలి. మొదటి రోజు పాజిటివ్ టాక్ ను సంపాదించుకున్నప్పటికీ ఈ మూవీ అంతంత మాత్రం ఓపెనింగ్స్ నే సాధించింది.

సోమవారం రోజున అయితే పరిస్థితి మరీ ఘోరం. దీనికి ప్రధాన కారణం టికెట్ రేట్లు తగ్గించకపోవడం ఒకటైతే మరో పక్క ‘మేజర్’ ‘విక్రమ్’ వంటి చిత్రాలు ఇప్పటికీ సక్సెస్ ఫుల్ గా దూసుకుపోవడం మరో కారణం అని చెప్పాలి.

మేజర్ సినిమా రివ్యూ & రేటింగ్!

Most Recommended Video

విక్రమ్ సినిమా రివ్యూ & రేటింగ్!
వెంకీ టు నితిన్… ఛాలెంజింగ్ పాత్రలు చేసిన 10 మంది హీరోల లిస్ట్
ప్రభాస్ టు నాని… నాన్ థియేట్రికల్ రైట్స్ రూపంలో భారీగా కలెక్ట్ చేసే హీరోలు..!