దసరా వేడుకలు దేశవ్యాప్తంగా వైభవంగా జరిగాయి. విదేశాల్లోని తెలుగువారు సైతం భక్తిశ్రద్ధలతో నిర్వహించారు. తెలుగురాష్ట్రాల్లో దుర్గమ్మ విగ్రహాలను ప్రతిష్టించి కొలిచారు. అలాగే సాంస్కృతిక కార్యక్రమాలు పండుగ ఉత్సాహాన్ని రెట్టింపు చేశాయి. తెలంగాణలో అయితే బతుకమ్మ సంబరాలు మిన్నంటాయి. డల్లాస్ లో కూడా బతుకమ్మ సంబరాలను మహిళలు ఉత్సాహంగా జరుపుకున్నారు. ఈ ఉత్సవాల్లో దాదాపు 2000 మంది మహిళలు పాల్గొని ఆడిపాడారు. ఇందులో హీరోయిన్ అను ఇమ్మాన్యుయేల్ పాల్గొనడం విశేషం. బతుకమ్మ పాటలకు ఆమె డ్యాన్సులు వేయడం ప్రత్యేక ఆకర్షణగా నిలిచింది. డల్లాస్ తెలంగాణ తెలుగు అసోసియేషన్ (టిపిఏడీ) ఈ వేడుకల్ని ఘనంగా నిర్వహించింది.
తెలుగు పండుగ ముగిసిందో లేదో బెంగళూరులో ఫ్యూజన్ స్టైల్ ఈవెంట్ కి యూత్ సిద్ధమవుతోంది. నవంబర్ 3న బెంగళూరు మాన్యత టెక్ పార్క్- వైట్ ఆర్కిడ్స్ కన్వెన్షన్ హాల్ లో జరిగే ఈ ఈవెంట్ కోసం ఏర్పాట్లు చేస్తున్నారు. బతుకమ్మ సంబరాలకు ఇది పూర్తి ఆపోజిట్ గా సాగే వెస్ట్రన్ స్టైల్ సంబరం. ఈ వేడుకకి సరిపోవే తార గెస్ట్ గా వస్తోంది. ఆమె ఎవరో కాదు శృంగార తార సన్నీలియోన్. సన్నీ ఈ ఈవెంట్ కి వస్తుందని తెలిసిందో లేదో.. టికెట్లు హాట్ కేకుల్లా అమ్ముడుపోతున్నాయి.
Home