తన కెరీర్ గురించి ఆసక్తికరమైన విషయాల్ని తెలిపిన అనుపమ..!

నితిన్, త్రివిక్రమ్ కాంబినేషన్లో వచ్చిన ‘అఆ’ చిత్రంతో టాలీవుడ్ కు ఎంట్రీ ఇచ్చిన మలయాళీ ముద్దుగుమ్మ అనుపమ పరమేశ్వరన్. ఆ చిత్రంలో ఆమె నటనకి మంచి మార్కులే పడ్డాయి. ఆ తరువాత నాగచైతన్య, శర్వానంద్, రామ్, నాని, సాయి తేజ్ వంటి యంగ్ హీరోలందరి సరసన నటించి మంచి క్రేజ్ సంపాదించుకుంది. అయినప్పటికీ ఎందుకో ఈమెకు పెద్దగా ఆఫర్లు మాత్రం రావడం లేదు. ప్రస్తుతం బెల్లంకొండ సాయి శ్రీనివాస్ తో చేస్తున్న ‘రాక్షసుడు’ సినిమా తప్ప ఈమె చేతిలో మరో ఆఫర్ లేదు. ఇక సోషల్ మీడియాలో అనుపమకు ఫ్యాన్ ఫాలోయింగ్ ఓ రేంజ్లో ఉంది.

• మల్లేశం సినిమా రివ్యూ కోసం ఇక్కడ క్లిక్ చెయ్యండి
• ఏజెంట్ సాయి శ్రీనివాస ఆత్రేయ సినిమా రివ్యూ కోసం ఇక్కడ క్లిక్ చెయ్యండి

ఇదిలా ఉండగా తాజాగా ఇచ్చిన ఓ ఇంటర్వ్యూలో అనుపమ కొన్ని ఆసక్తికరమైన విషయాల్ని చెప్పుకొచ్చింది. “నేను అదృష్టం కొద్దీ సినీ ఇండస్ట్రీకి వచ్చాను, సినిమాలు ఎన్ని చేస్తానో తెలీదు, ఎంతకాలం ఉంటానో తెలీదు కాబట్టి.. ప్రతీ సినిమాను ఆస్వాదిస్తూ పని చేయాలని నిర్ణయించుకున్నాను. సెట్లో నేను అడుగు పెట్టేటప్పుడు నా దృష్టంతా నేను చేయబోయే సన్నివేశం పైనే ఉంటుంది. స్క్రిప్టు పట్టుకుని ఓ పక్కకు వెళ్ళి .. ఒక్కో డైలాగ్‌ను రకరకాలుగా ప్రాక్టీస్ చేస్తుంటాను. ‘పరీక్షలకు ముందు కూడా ఇలాగే ప్రిపేర్ అయ్యుంటే పెద్ద ఉద్యోగం వచ్చేది కదా’ అంటూ మా అమ్మ నన్ను ఆటపట్టిస్తుంటుంది”.. అంటూ అనుపమ చెప్పుకొచ్చింది.