‘ప్రభాస్’తో రీలేషన్ పై స్వీటి క్లారిటీ!

ముద్దు గుమ్మ అనుష్క…ఒకరకంగా చెప్పాలి అంటే మన తెలుగు చిత్ర సీమలో హీరోలతో సరిసమానంగా ఫ్యాన్ ఫాలోయింగ్ ను ఏర్పరుచుకున్న హీరోయిన్స్ లో అనుష్క ఒకరు. అయితే వయసు పెరిగిపోతూ ఉన్నా, వరుస సినిమాలతో దూసుకుపోతు, కేవలం కమర్షియల్ సినిమాలకే పరిమితం కాకుండా డిఫరెంట్ పాత్రలను పోషిస్తూ ముందుకు సాగుతుంది అనుష్క. అయితే 35+ వయసు ఉన్న అనుష్క పెళ్లి విషయం వచ్చేసరికి మాత్రం పెద్దగా పట్తింపు లేనట్లుగా వ్యవహరిస్తుంది. ఇదిలా ఉంటే ఇప్పటికే దాదాపుగా 4 సినిమాల్లో ప్రభాస్ తో కలసి నటించిన స్వీటికి ప్రభాస్ తో లవ్ అఫేర్ నడుస్తుంది అన్న మ్యాటర్ ఇప్పుడు టాలీవుడ్ సర్కిల్స్ లో చక్కెర్లు కొడుతుంది. అంతేకాదు ప్రభాస్ తో పీకల్లోతులో ప్రేమలో ఉన్న స్వీటి అందుకే ఇంకా పెళ్లి చేసుకోలేదు అని గుసగుసలు వినిపిస్తున్నాయి. అంతేకాదు ఇటీవల నటి అనుష్క దైవ పూజలు నిర్వహించడంతో వాళ్ళిద్దరి పెళ్లి సక్రమంగా జరగాలనే ఈ పూజలు అంటూ ఒక ప్రచారం సైతం హోరెత్తింది.

ఇక ప్రభాస్ తాజా చిత్రం సాహోలోనూ ప్రభాస్ కి  జంటగా అనుష్కనే నటించనుంది అనే టాక్‌ వినిపిస్తోంది. అంతేకాదు ఈ చిత్రానికి అనుష్కను సిఫారసు చేసింది ప్రభాసే అని కూడా సినీ వర్గాలు చెవులు కొరుక్కుంటున్నాయి. దీంతో ఈ జంట మధ్య సాగుతున్న ప్రేమ వ్యవహారం నిజమేననే అభిప్రాయం వ్యక్తం అవుతోంది. అయితే ఈ గుసగూసలపై విషయంపై అనుష్క ఏమంటుంది అంటే…అందరూ ఆదరిస్తున్నట్లు తాను, ప్రభాస్‌ తెరపై సరైన జోడి అని అయితే అంతకన్నా ముందు నిజంగానే తామిద్దరం మంచి మిత్రులం అని పేర్కొంది. అయితే తమ స్నేహం ప్రేమగా చిగురించిందో, లేక మన టాలీవుడ్ సర్కిల్స్ అనవసర పిచ్చి ప్రచారం చేస్తున్నాయో తెలీదు కానీ, మొత్తంగా అయితే ఇద్దరిలో ఎవరో ఒకరి పెళ్లి అయ్యేవరకూ ఈ కన్ఫ్యూషన్ ఇలానే ఉంటుంది అని చెప్పక తప్పదు.

Also, do SUBSCRIBE to our YouTube channel to get latest Tollywood updates.