దక్షిణాది స్టార్ హీరోయిన్ గా గుర్తింపు తెచ్చుకున్న అనుష్కకు ఇండస్ట్రీలో ఉన్న డిమాండ్ గురించి ప్రత్యేకంగా చెప్పనక్కర్లేదు. అయితే ఈ మధ్యకాలంలో ఆమె జోరు కాస్త తగ్గించింది. ‘నిశ్శబ్దం’ తరువాత ఆమె ఇప్పటివరకు మరో సినిమా అనౌన్స్ చేయలేదు. మధ్యలో నవీన్ పోలిశెట్టితో కలిసి ఒక సినిమా చేయబోతున్నట్లు వార్తలొచ్చాయి కానీ ఆ ప్రాజెక్ట్ ముందుకు కదల్లేదు. తాజాగా అనుష్క ఓ సినిమాకి గ్రీన్ సిగ్నల్ ఇచ్చిందని సమాచారం. కోలీవుడ్ వర్గాల సమాచారం ప్రకారం అనుష్క తమిళంలో ఓ సినిమా చేయబోతుంది.
సౌత్ ఇండియాలో బిగ్గెస్ట్ బ్లాక్ బస్టర్ లలో ఒకటిగా నిలిచిన ‘చంద్రముఖి’కి ఇప్పుడు తమిళంలో సీక్వెల్ రాబోతున్న సంగతి తెలిసిందే. అయితే ఇందులో రజినీకాంత్ నటించడం లేదు. ఆయన స్థానాన్ని రాఘవ లారెన్స్ భర్తీ చేయబోతున్నాడు. ‘చంద్రముఖి’ దర్శకుడు పి.వాసునే ఈ సినిమాను రూపొందించబోతున్నారు. ఇప్పటికే ఆయన కన్నడలో, తెలుగులో ‘చంద్రముఖి’ సీక్వెల్స్ తీశాడు. రెండు చోట్లా ఒకే కథతో సినిమా తెరకెక్కింది. అయితే కన్నడలో విజయవంతమైన సినిమా.. తెలుగులో మాత్రం డిజాస్టర్ అయింది.
అయితే ఇప్పుడు ఆ కథను పక్కన పెట్టి.. తమిళంలో వేరే కథతో ‘చంద్రముఖి 2’ తీయబోతున్నాడు. ఈ సినిమా అనౌన్స్ చేసి కాలమవుతున్నా.. ఇంకా సెట్స్ పైకి వెళ్లలేదు. ఇందులో చంద్రముఖి పాత్రను అనుష్క చేయబోతోందని.. సినిమాలో ఆమె పాత్ర కీలకంగా ఉంటుందని తెలుస్తోంది.
Most Recommended Video
టక్ జగదీష్ సినిమా రివ్యూ & రేటింగ్!
సీటీమార్ సినిమా రివ్యూ & రేటింగ్!
తలైవి సినిమా రివ్యూ & రేటింగ్!
