అరియానా, అవినాష్ మరోసారి..

December 26, 2020 / 05:03 PM IST

Join Us

బిగ్ బాస్ సీజన్ 4 ఈ సారి రేటింగ్స్ ద్వారా ఏ స్థాయిలో లాభాలను అందుకుందో తెలియదు గాని అందులో పాల్గొన్న కంటెస్టెంట్స్ కు మాత్రం మంచి క్రేజ్ ను అంధించింది. ముఖ్యంగా టాప్ 7 కంటెస్టెంట్స్ కెరీర్ కు బిగ్ బాస్ ఒక మంచి బూస్ట్ ఇచ్చిందనే చెప్పాలి. గతంలో ఎప్పుడు లేని విధంగా కొన్ని జంటలకు కూడా మంచి క్రేజ్ అందించింది. అవినాష్, అరియానా ఏ రేంజ్ లో క్లిక్కయ్యారో స్పెషల్ గా చెప్పనవసరం లేదు.

అవినాష్ వైల్డ్ కార్డ్ ద్వారా ఎంట్రీ ఇచ్చిన విషయం తెలిసిందే. ఇక షో మొదలైన రోజే నార్మల్ కంటెస్టెంట్ గా ఎలాంటి అంచనాలు లేకుండా ఎంట్రీ ఇచ్చింది అరియానా గ్లోరి. బోల్డ్ గర్ల్ అంటూ టాప్ టాప్ 4 కంటెస్టెంట్ గా నిలిచిన ఆమె నెక్స్ట్ స్టెప్ ఎలా ఉండబోతోంది అనేది హాట్ టాపిక్ గా మారింది. అయితే అవినాష్, అరియానా హౌజ్ లో ఉన్నన్ని రోజులు ఇద్దరి మధ్య కెమిస్ట్రీ బాగా వర్కౌట్ అయ్యింది కాబట్టి కొన్ని టీవీ ఛానెల్స్ వీరిపై ఫోకస్ పెట్టినట్లు తెలుస్తోంది.

అరియానా, అవినాష్ కాంబినేషన్ లో ఒక రియాలిటీ షోను స్టార్ట్ చేయబోతున్నట్లు తెలుస్తోంది. అందుకు సంబంధించిన న్యూస్ కూడా ఇప్పుడు సోషల్ మీడియాలో వైరల్ గా మారింది. సుధీర్, విష్ణు ప్రియా పోవే పోరా తరహాలోనే ఆ షో ఉండనున్నట్లు టాక్ నడుస్తోంది. ఇక అవినాష్ ఇప్పటికే జబర్దస్త్ కు ఎండ్ కార్డ్ పెట్టినట్లు క్లారిటీ ఇచ్చిన విషయం తెలిసిందే. బిగ్ బాస్ కు వెళ్లిన తరువాత మళ్ళీ ఆ షోలోకి వెళ్ళడానికి ప్రయత్నం చేసినప్పటికీ రనివ్వడం లేదని ఒక ఇంటర్వ్యూలో వివరణ ఇచ్చాడు అవినాష్.