ప్రభాస్ ని అభినందనలతో ముంచెత్తిన యాక్షన్ కింగ్ అర్జున్

బాహుబలి కంక్లూజన్ సినిమాకి కలక్షన్ల వర్షం ఆగలేదు. అభినందనల వాన తగ్గడం లేదు. రాజమౌళి, ప్రభాస్ కలయికలో వచ్చిన ఈ కళాఖండాన్ని చూసిన ప్రతిఒక్కరూ ప్రశంసలతో ముంచెత్తుతున్నారు. టాలీవుడ్, కోలీవుడ్ అని తేడా లేకుండా సినీ ప్రముఖులందరూ బాహుబలి టీమ్ ని శెభాష్ అంటున్నారు. ఈ జాబితాలో తాజాగా యాక్షన్ కింగ్ అర్జున్ చేరారు. అతను తన కూతురు ఐశ్వర్యతో కలిసి సినిమా చూసి ఫీలింగ్ ని నేడు బయటికి చెప్పారు.

బాహుబలి వంటి సినిమా తీయడం ప్రభాస్, రాజమౌళికి మాత్రమే సాధ్యమైందన్నారు. ప్రభాస్ మంచి అందగాడని, రియల్ హీరో అనీ కితాబు ఇచ్చారు. ఆయన మానవత్వమున్న మంచి మనిషని అభినందించారు. ఈ సందర్భంగా బాహుబలి సినిమా యూనిట్ తో కలిసి దిగిన ఫోటోను షేర్ చేశారు. ఇందులో అర్జున్, కూతురు ఐశ్వర్య తదితరులున్నారు.

Also, do SUBSCRIBE to our YouTube channel to get latest Tollywood updates.