ప్రభాస్, ఎన్టీఆర్, మహేష్ బాబు గురించి చెప్పిన అరుణ్ విజయ్

ప్రముఖ తమిళ నటుడు విజయ్ కుమార్ కి ఏకైక వారసుడు అరుణ్‌ విజయ్‌. తమిళంలో అనేక సినిమాల్లో విలన్ గా నటించి అదరగొట్టిన ఈ నటుడు ‘బ్రూస్‌లీ’ చిత్రం ద్వారా తెలుగు వారికి పరిచయమయ్యారు. రామ్ చరణ్ తో పోటీగా నటించి మంచి గుర్తింపు సంపాదించుకున్నారు. ప్రస్తుతం భారీ బడ్జెట్‌తో నిర్మితమవుతున్న సాహో చిత్రంలో కీలక రోల్ చేస్తున్నారు. హీరో ప్రభాస్ తో కూడా కాంబినేషన్ సీన్లు ఉన్నాయి. సుజీత్‌ దర్శకత్వం వహిస్తున్న ఈ సినిమాలో తాను చేస్తున్న రోల్ గురించి అరుణ్ విజయ్ మాట్లాడుతూ.. తన రోల్ చాలా స్టైలిష్‌గా ఉంటుందని, సినిమాలో చాలా ముఖ్యమైన పాత్ర అదని, మీకు కచ్చితంగా నచ్చుతుందని స్పష్టంచేశారు.

ఇంకా ప్రభాస్, ఎన్టీఆర్, మహేష్ బాబు గురించి ఆసక్తికర విషయాలు చెప్పారు. ముందుగా ఎన్టీఆర్ గురించి మాట్లాడుతూ .. “ఎన్టీఆర్ డైనమిక్‌గా నటిస్తారు. ఎన్టీఆర్‌ ఎనర్జీ నాకెంతో ఇష్టం” అని ఓ అభిమాని అడిగిన ప్రశ్నకు సమాధానం ఇచ్చారు. మహేశ్‌ బాబు గురించి ఒక్క మాట చెప్పండి? అని కోరగా.. “ఛార్మింగ్‌ సూపర్‌స్టార్‌” అని అన్నారు. “అల్లు అర్జున్‌, రామ్‌ చరణ్‌ అద్భుతమైన డ్యాన్సర్లు” అని అభినందించారు. ఇక ప్రభాస్‌ గురించి ఒక్క మాటలో చెప్పమంటే?.. “హుందాగా ఉండే రాక్‌స్టార్‌” అని కితాబు ఇచ్చారు.