యంగ్ టైగర్ జూనియర్ ఎన్టీఆర్ (Jr NTR) , వి.వి.వినాయక్ (V. V. Vinayak) కాంబినేషన్ లో తెరకెక్కిన అదుర్స్ (Adhurs) మూవీ బాక్సాఫీస్ వద్ద బ్లాక్ బస్టర్ హిట్ గా నిలిచింది. 2010 సంవత్సరంలో విడుదలైన ఈ సినిమా ప్రేక్షకులను ఎంతగానో మెప్పించింది. ఈ సినిమాలో నరసింహ, నరసింహాచారి అనే పాత్రలలో యంగ్ టైగర్ ఎన్టీఆర్ నటించారు. అయితే ఈ సినిమా తన బయోపిక్ అంటూ వేణుస్వామి చేసిన కామెంట్స్ వైరల్ అవుతున్నాయి. ఒక ఇంటర్వ్యూలో వేణుస్వామి మాట్లాడుతూ ఈ కామెంట్లు చేశారు.
వేణుస్వామి లైఫ్ హిస్టరీ చూడాలంటే అదుర్స్ అనే సినిమా చూడాలని ఆయన అన్నారు. ఆ సినిమాలో ఉన్న నరసింహాచారి పాత్ర నాదేనని ఆయన తెలిపారు. నేను పూజల్లో ఉన్న సమయంలో పూజ చేసి పూజ అయిపోయిన తర్వాత యమహా బైక్ వేసుకుని వెళ్లేవాడినని వేణుస్వామి పేర్కొన్నారు. 2004 సంవత్సరం వరకు నా లైఫ్ స్టైల్ అలానే ఉండేదని ఆయన తెలిపారు. నేను ఇప్పటివరకు 2000 సినిమాలకు మూహూర్తాలు పెట్టానని వేణుస్వామి కామెంట్లు చేశారు.
అదుర్స్ సినిమాలో లవ్ స్టోరీ ఉంటుందని నాది కూడా సేమ్ లవ్ స్టోరీ అని ఆయన అన్నారు. నా భార్య జాతకం బాగుంది కాబట్టి నా జాతకం కూడా మారిందని వేణుస్వామి తెలిపారు. మా జాతకం రామ్ చరణ్ (Ram Charan) ఉపాసన తరహా జాతకం అని ఆయన వెల్లడించారు. నేను గవర్నమెంట్ జాబ్ వచ్చినా వదులుకున్నానని వేణుస్వామి పేర్కొన్నారు అదుర్స్ సినిమాలో రెండు పాత్రలు కలిపితే నేను అని వేణుస్వామి పేర్కొనగా ఆ కామెంట్స్ హాట్ టాపిక్ అవుతున్నాయి.
అదుర్స్ సినిమా అప్పట్లోనే 30 కోట్ల రూపాయల షేర్ కలెక్షన్లను సొంతం చేసుకోవడం గమనార్హం. మరోవైపు అదుర్స్ సీక్వెల్ గురించి వార్తలు ప్రచారంలోకి వస్తున్నా ప్రస్తుత పరిస్థితుల్లో ఆదుర్స్ సీక్వెల్ కష్టమేనని కామెంట్లు వ్యక్తమవుతున్నాయి. అదుర్స్ సీక్వెల్ అసాధ్యమని వినాయక్ సైతం ఒక సందర్భంలో చెప్పుకొచ్చారు.
Home