Avika Gor: ‘నెట్’ వెబ్ ఫిల్మ్ లో అవికా గోర్!

ఉత్తరాది భామ అవికా గోర్ ‘బాలిక వధు’ సీరియల్ తో మంచి పాపులారిటీ తెచ్చుకుంది. ఇదే సీరియల్ ను తెలుగులో ‘చిన్నారి పెళ్లికూతురు’ అనే పేరుతో డబ్బింగ్ చేశారు. ఈ సీరియల్ తో అవికాకు తెలుగునాట విపరీతమైన క్రేజ్ వచ్చింది. దీంతో ఆమెకి టాలీవుడ్ లో హీరోయిన్ గా అవకాశాలు వచ్చాయి. ‘ఉయ్యాలా జంపాలా’ సినిమాతో హీరోయిన్ గా మారింది. ఆ తరువాత ‘సినిమా చూపిస్త మామ’, ‘ఎక్కడికి పోతావు చిన్నవాడా’ అనే హిట్టు సినిమాలను తన ఖాతాలో వేసుకుంది.

ఈ మధ్యకాలంలో కాస్త జోరు తగ్గించిన ఈ బ్యూటీ తిరిగి పుంజుకుంది. వరుస సినిమాలు అంగీకరిస్తూ వార్తల్లో నిలిచింది. తాజాగా మరో సినిమా అనౌన్స్ చేసింది. కరోనా సమయంలో చాలా మంది సెలబ్రిటీలు ఓటీటీలో ఎంట్రీ ఇచ్చారు. పలు వెబ్ సినిమాలు, వెబ్ సిరీస్ లు అంటూ సందడి చేశారు. ఇప్పుడు అవికా కూడా డిజిటల్ ఎంట్రీకి సిద్ధమైంది. ‘నెట్’ అనే పేరుతో తెరకెక్కుతోన్న వెబ్ ఫిల్మ్ లో నటించడానికి ఆమె అంగీకరించింది.

ఈరోజు అవికా పుట్టినరోజు సందర్భంగా సినిమా పోస్టర్ ను విడుదల చేశారు. చాలా ఇన్నోవేటివ్ గా డిజైన్ చేసిన ఈ పోస్టర్ ప్రేక్షకులను ఆకట్టుకుంటుంది. జీ గ్రూప్ తో కలిసి తమడా మీడియా సంస్థ నిర్మాణంలో భాగస్వామ్యం వహిస్తున్నారు. రాహుల్ రామకృష్ణ కీలకపాత్ర పోషిస్తోన్న ఈ సినిమాను జీ5 ఓటీటీ ఫ్లాట్ ఫామ్ లో విడుదల చేయనున్నారు.

Most Recommended Video

విజయేంద్ర ప్రసాద్ గారి గురించి 10 ఆసక్తికరమైన విషయాలు..!
ఈ 10 స్పీచ్ లు వింటే ఈ స్టార్లకు ఫ్యాన్స్ అయిపోతారు అంతే..!
నయన్, అవికా టు అలియా.. డేటింగ్ కి ఓకే పెళ్ళికి నొ అంటున్న భామలు..!