దర్శకధీరుడు ఎస్.ఎస్. రాజమౌళి సృష్టించిన అపూర్వ వెండి తెర కళాఖండం “బాహుబలి – బిగినింగ్” మరో రికార్డును బద్దలు కొట్టింది. యంగ్ రెబల్ స్టార్ ప్రభాస్, రానా పోటీపడి నటించిన ఈ చిత్రం గత ఏడాది విడుదలై కలక్షన్ల వర్షం కురిపించింది. జాతీయ అవార్డుతో పాటు అనేక అవార్డులను కైవసం చేసుకుంది. ఇప్పుడు మరో గౌరవాన్ని పొందింది. ప్రపంచవ్యాప్తంగా బ్లాక్ బస్టర్ గా నిలిచిన చిత్రాల జాబితాలో చోటు దక్కించుకుంది.
టాప్ 15 లో స్థానం పొందిన తొలి తెలుగు చిత్రం హోదాను సంపాదించుకుంది. కథను చూపిన విధానం, నటీనటుల అద్భుత నటన, భీకరమైన పోరాట సన్నివేశాలు, సందర్భానికి ప్రాణం పోసిన సంగీతం… తదితర అంశాలు ఈ చిత్రాన్ని బ్లాక్ బస్టర్ గా నిలి పాయని అంతర్జాతీయ చిత్ర పండితులు చెప్పారు. ఈ చిత్రానికి కొనసాగింపుగా వస్తున్న బాహుబలి – కంక్లూజన్ ప్రస్తుతం చిత్రీకరణ దశలో ఉంది. రామోజీ ఫిలిం సిటీలో వేసిన సెట్ లో కీలక సీన్లు రాజమౌళి షూట్ చేస్తున్నారు. ఇందులో ప్రభాస్, రానా, అనుష్క, సత్యరాజ్ తదితరులు పాల్గొంటున్నారు. ఈ మూవీని వచ్చే ఏడాది ఏప్రిల్ 28 న రిలీజ్ చేసేందుకు నిర్మాతలు ప్లాన్ చేస్తున్నారు.
Home