బాహుబలి సినిమాలో కట్టప్ప పాత్రపై అభిమానులకు ఎంత అభిమానం ఉందో, అంతకంటే ఎక్కువగా కట్టప్పకు బాహుబలిపై ప్రేమ ఉంది. తన చేతులతో ఎత్తుకొని అపురూపంగా అమరేంద్ర బాహుబలిని పెంచాడు. చివరికి అతనే వెన్నుపోటు పొడిచాడు. ఎందుకు? సమాధానం యాభై రోజుల్లో తెలియనుంది. అయితే ఆ చంపడం వెనుక కూడా అమితమైన ప్రేమ దాగుందని నేడు ఎస్.ఎస్.రాజమౌళి రిలీజ్ చేసిన పోస్టర్ చెప్పకనే చెబుతోంది. ఎటువంటి ప్రకటన లేకుండా రిలీజ్ చేసిన బాహుబలి కంక్లూజన్ నాల్గవ పోస్టర్ అభినందనలు అందుకుంటోంది.
“నా డిజైనర్ జెగన్ చెప్పిన ఆలోచన నాకు నచ్చింది. దానిని మీకు షేర్ చేస్తున్నాను” అంటూ జక్కన్న ట్వీట్ చేశారు. మంచి ఐడియాను గుర్తించడంలో ప్రతిభ ఉండాలి, దానిని ప్రోత్సహించడంలో మంచి మనసు ఉండాలి.. ఆ రెండు తనకి ఉన్నాయని ఈ పోస్టర్ తో రాజమౌళి నిరూపించుకున్నారు. పైగా “The boy he raised, the man he killed” అని అద్భుతంగా రాసి బాహుబలి 2 పై అంచనాలను మరింత పెంచారు. ఆర్కా మీడియా వర్క్స్ పతాకంపై ప్రసాద్ దేవినేని, శోభు యార్లగడ్డ నిర్మిస్తున్న ఈ చిత్రం షూటింగ్ పూర్తి చేసుకొని వీఎఫ్ వర్స్క్ జరుపుకుంటోంది. ఎటువంటి ఆలస్యం లేకుండా ఏప్రిల్ 28న సినిమా థియేటర్లోకి రానుంది.
Also, do SUBSCRIBE to our YouTube channel to get latest Tollywood updates.
