జూన్ 2న బాబు బంగారం టీజర్!

విక్టరీ వెంకటేష్ కథానాయకుడిగా మారుతి దర్శకత్వంలో తెరకెక్కుతున్న చిత్రం “బాబు బంగారం”. నయనతార కథానాయకిగా నటిస్తున్న ఈ చిత్రం ఫారిన్ షెడ్యూల్ ఇటీవల పూర్తయ్యింది. ప్రస్తుతం వెంకటేష్ మరియు కామెడియన్స్ కాంబినేషన్లో వచ్చే సీన్స్ ను షూట్ చేస్తున్నారు. వెంకటేష్ ఈ చిత్రంలో పోలీస్ గా నటిస్తున్నాడు. జిబ్రాన్ సంగీత సారధ్యం వహిస్తున్న ఈ చిత్రం ఫస్ట్ లుక్ పోస్టర్ ఇటీవల విడుదలై ఆకట్టుకోంది.

కాగా.. ఈ చిత్రానికి సంబంధించిన ఓ టీజర్ ను జూన్ 2వ తారీఖున విడుదల చేసేందుకు చిత్ర బృందం సన్నాహాలు చేస్తోంది. ఈ టీజర్ ను “బాబు బంగారం” స్టోరీ థీమ్ ను ఎలివేట్ చేసేలా డిజైన్ చేశారని సమాచారం.

ఇకపోతే.. సోలో హీరోగా “దృశ్యం” మినహా మరో హిట్టు లేని వెంకటేష్ ఈ సినిమాపై చాలా ఆశలు పెట్టుకొన్నాడు. అలాగే.. “భలే భలే మగాడివోయ్” లాంటి భారీ కమర్షియల్ సక్సెస్ అనంతరం మారుతి నుంచి వస్తున్న సినిమా కావడంతో.. ఆడియన్స్ లోనూ “బాబు బంబారామ్”పై మంచి అంచనాలు ఉన్నాయి!