పాపం సందీప్ తెలుగు టైమింగ్ బాలేదు!

నటుడిగా సందీప్ కిషన్ కి పేరు పెట్టాల్సిన అవసరం లేకపోయినా.. సరైన అవకాశాలు అందిపుచ్చుకోవడంలోనూ మనోడ్ని మించినోడు కూడా లేడు. అయితే.. సదరు సినిమాలను విడుదల చేయడంలో మాత్రం ఫెయిల్ అవుతున్నాడు. మొన్నామధ్య సందీప్ కిషన్ నటించిన “మహానగరం” అనే తమిళ చిత్రం తెలుగులో “నగరం”గా విడుదలైంది. తమిళ మీడియా మొత్తం నెత్తిన పెట్టుకొన్న ఈ చిత్రం తెలుగులో సరైన ప్రమోషన్ లేక చతికిలపడింది. ఇప్పుడు మరో తమిళ చిత్రం “మాయావన్” విషయంలోనూ అదే తప్పు చేస్తున్నాడు సందీప్ కిషన్.

ఆ సినిమాను తెలుగులో “ప్రొజెక్ట్ జెడ్”గా విడుదల చేయించుకొంటున్న సందీప్ ఇప్పటివరకూ ఈ సినిమా తెలుగు ప్రమోషన్స్ ను ఏమాత్రం పట్టించుకోకుండా ఉండడం గమనార్హం. పైగా.. తెలుగులో ఈ చిత్రాన్ని విడుదల చేస్తున్న ట్రాక్ రికార్డ్ బాలేకపోవడం, టైటిల్ కూడా ఆడియన్స్ ను ఆకట్టుకొనే స్థాయిలో లేకపోవడంతో ఈ సినిమాపై సందీప్ అప్పుడే ఆశలు వదిలేసుకొన్నాడేమో అన్న సందేహాలు కూడా చాలామందికి వస్తున్నాయి. మరి ఇప్పటికైనా సందీప్ కాస్త “మాయావన్” అదేనండీ “ప్రోజెక్ట్ జెడ్” ప్రమోషన్స్ లో కాస్త పాలుపంచుకొని ఈ సినిమాని కనీసం 30% ఆడియన్స్ అయినా చూసేలా చేస్తాడో లేదో.

Also, do SUBSCRIBE to our YouTube channel to get latest Tollywood updates.