తెలుగువారి సినీ ప్రతిభను ప్రపంచానికి చాటిన చిత్రం బాహుబలి. యంగ్ రెబల్ స్టార్ ప్రభాస్ హీరోగా దర్శకధీరుడు ఎస్.ఎస్.రాజమౌళి తెరకెక్కించిన ఈ మూవీ సినీ అభిమానుల జేజేలు అందుకుంది. ఈ చిత్రానికి కొనసాగింపుగా వస్తున్న బాహుబలి కంక్లూజన్ ని పూర్తి చేసే పనిలో జక్కన్న బిజీగా ఉన్నారు. కొంతకాలంగా రామోజీ ఫిల్మ్ సిటీలో వేసిన భారీ సెట్ లో షూటింగ్ చేస్తున్నారు. ముందుగా అనుకున్న ప్రకారం నవంబర్ నాటికి సినిమా చిత్రీకరణ కంప్లీట్ కావాలి. కానీ మరో నెల పొడిగించారు. ఇందుకు కారణం బాహుబలి 2 లోని కొన్ని సీన్లు లీక్ కావడమే.
గతనెలలో గ్రాఫిక్ డిజైనర్ కృష్ణ ఈ మూవీ లోని కొన్ని సీన్లను సోషల్ మీడియాలో లీక్ చేసాడు. అతన్ని వెంటనే అరెస్ట్ చేసినప్పటికీ అనుష్క, ప్రభాస్ ఉన్న సీన్లు రివీల్ అయ్యాయి. ఆ సీన్లను పూర్తిగా తీసేసి వాటి స్థానంలో కొత్త సీన్లను యాడ్ చేయాలనీ రాజమౌళి భావించారు. అందుకు నిర్మాతలు ఒప్పుకోవడంతో దేవసేన, బాహుబలి పై సన్నివేశాలను రీ షూట్ చేస్తున్నారు. ఈ షూటింగ్ డిసెంబర్ చివరినాటికి కంప్లీట్ చేయాలనీ జక్కన్న బృందం శ్రమిస్తోంది. అనంతరం పోస్ట్ ప్రొడక్షన్ వర్క్ లో వేగం పెంచి ఏప్రిల్ 28 న తప్పకుండా రిలీజ్ చేయాలనీ డిసైడ్ అయింది.
Also, do SUBSCRIBE to our YouTube channel to get latest Tollywood updates.
Home