బాహుబలిని మొబైల్ గేమ్ గా తీసుకొచ్చేందుకు మొదలైన పనులు

యంగ్ రెబల్ స్టార్ ప్రభాస్, దర్శకధీరుడు ఎస్‌.ఎస్‌.రాజమౌళి కాంబినేషన్లో వచ్చిన ‘బాహుబలి బిగినింగ్ వెండితెరపైన అలరించింది. బాహుబలి కంక్లూజన్ పేరిట మరోసారి ఆశ్చర్యపరచడానికి ముస్తాబవుతోంది. ఆ చిత్రంతోనే మహిష్మతి రాజ్యానికి, అభిమానులకు మధ్య అనుబంధం తెగిపోదు. బాహుబలి అనేకరూపాల్లో అలరించడానికి సిద్ధమవుతోంది. ఇప్పటికే కామిక్ పుస్తకాల రూపంలో, యానిమేషన్ సిరీస్ గా వచ్చేందుకు రెడీగా ఉంది. ఇప్పుడు మరో రూపంలో కనువిందు చేయనుంది. ‘బాహుబలి’ని మొబైల్‌ గేమ్‌గా తీసుకొచ్చేందుకు ఆర్కా మీడియా భావిస్తోంది. ఇందుకు సంబంధించిన పనులు మొదలు అయ్యాయి.

ప్రముఖ గేమ్ డిజైనర్ మార్క్ స్కాగ్స్ తో కలిసి ఈరోజు రాజమౌళి చర్చలు జరిపారు. ఫామ్‌విల్లే, లార్డ్‌ఆఫ్‌ రింగ్స్‌ తదితర గేమ్‌లను సృష్టించిన ఈయన దర్శకధీరుడితో చర్చల అనంతరం ఆనందాన్ని ట్విట్టర్లో పంచుకున్నారు. ‘రాజమౌళితో మీటింగ్ ఒక అద్భుతమైన అనుభూతి. ఆయనొక గొప్ప విజన్ ఉన్న దర్శకుడు, మంచి స్టోరీ టెల్లర్. బాహుబలి ప్రాజెక్ట్ లో భాగమవడం చాలా ఆనందంగా ఉంది’ అన్నారు.

Also, do SUBSCRIBE to our YouTube channel to get latest Tollywood updates.