Actress: ఎమోషనల్ అయిన బలగం నటి.. అలా అవమానించారంటూ?

ఈ ఏడాది విడుదలైన చిన్న సినిమాలలో బలగం ఒకటి కాగా ఈ మూవీకి ప్రేక్షకుల నుంచి పెద్ద సినిమాల రేంజ్ లో రెస్పాన్స్ వచ్చిందనే సంగతి తెలిసిందే. దర్శకుడు వేణు ఈ సినిమా సక్సెస్ తో క్రేజ్ ఉన్న డైరెక్టర్ల జాబితాలో చేరిపోయారు. బలగం సినిమాలో ఒక్క డైలాగ్ కూడా లేకుండా ప్రియదర్శి పెళ్లి చేసుకోవాలని అనుకునే అమ్మాయి పాత్రలో సౌదామిని నటించారు. బొద్దుగా కనిపించిన ఈ అమ్మాయి తన నటనతో ఎంతగానో ఆకట్టుకున్నారు.

సౌదామిని ఒక ఇంటర్వ్యూలో మాట్లాడుతూ అడిషన్ కు వెళ్లిన సమయంలో వేణు సార్ సిగ్గు పడాలని చెప్పగా తాను అదే విధంగా చేయడంతో వెంటనే నన్ను ఆ పాత్రకు సెలెక్ట్ చేయడం జరిగిందని తెలిపారు. బలగం సినిమా కోసం కేకులు తిని పది కేజీలు బరువు పెరిగానని ఆమె చెప్పుకొచ్చారు. నా ఫస్ట్ మూవీ ఇదేనని ఫన్ జోనర్ సినిమాలు అంటే నాకు ఇష్టమని సౌదామిని కామెంట్లు చేశారు.

చిన్నప్పటి నుంచి నేను ఆర్టిస్ట్ కావాలని భావించానని బీఎస్సీ ఫస్ట్ ఇయర్ తో నా చదువు ఆగిపోయిందని ఆమె అన్నారు. ఎక్కడికి వెళ్లాలన్నా అన్నయ్యతో కలిసి వెళ్లేదానినని ఆమె చెప్పుకొచ్చారు. కొంతమంది నీ మొహానికి నువ్వు హీరోయిన్ అవుతావా అని వ్యంగ్యంగా కామెంట్లు చేసేవారని సౌదామిని వెల్లడించారు. టాలీవుడ్ ఇండస్ట్రీలో చిరంజీవి, బన్నీ నా ఫేవరెట్ అని ఆమె చెప్పుకొచ్చారు.

వేణు సార్ బలగం సినిమాలో అవకాశం ఇవ్వడం వల్లే తాను ఈ స్థాయికి చేరుకున్నానని (Actress) సౌదామిని వెల్లడించారు. వేణు సార్ అందరినీ ఒకే విధంగా చూస్తారని ఆమె తెలిపారు. జాతిరత్నాలు దర్శకుడు అనుదీప్ కాల్ చేసి తమ ప్రాజెక్ట్ లో మంచి రోల్ ఇస్తామని చెప్పారని సౌదామిని వెల్లడించారు. వేణు సార్ ఎంత ఎదిగినా ఒదిగి ఉండే మనిషి అని సౌదామిని కామెంట్లు చేశారు. ఆమె చెప్పిన విషయాలు సోషల్ మీడియాలో తెగ వైరల్ అవుతున్నాయి.

విరూపాక్ష సినిమా రివ్యూ & రేటింగ్!
గత 10 సినిమాల నుండి సాయి ధరమ్ తేజ్ బాక్సాఫీస్ పెర్ఫార్మన్స్ ఎలా ఉందంటే..?

శాకుంతలం పాత్రలో నటించిన హీరోయిన్ లు వీళ్లేనా?
కాంట్రవర్సీ లిస్ట్ లో ఆ సినిమా కూడా ఉందా?