టాలీవుడ్ స్టార్ హీరోలలో ఒకరైన బాలకృష్ణ ప్రస్తుతం ఉమ్మడి అనంతపురం జిల్లాలోని హిందూపురం నియోజకవర్గానికి ఎమ్మెల్యేగా ఉన్నారు. ఎన్నో సేవా కార్యక్రమాలు చేసినా వాటి గురించి ప్రచారం చేసుకోవడానికి ఇష్టపడని బాలయ్య హిందూపురం అభివృద్ధి కోసం ఎన్నో కీలక నిర్ణయాలు తీసుకున్నారు. హిందూపురం ప్రజలకు ప్రయోజనం చేకూరేలా బాలయ్య అన్నగారి భోజనశాల పేరుతో అన్న క్యాంటీన్ ను నిర్వహిస్తున్నారు. ఈ అన్న క్యాంటీన్ మొదలై 200 రోజులు కావడంతో పాటు స్వర్గీయ నందమూరి తారక రామారావు గారి శత జయంతి ఉత్సవాల సందర్భంగా బాలకృష్ణ కేవలం 2 రూపాయలకే చికెన్ బిర్యానీని వడ్డించేలా ఏర్పాట్లు చేశారు.
2 రూపాయలకే చికెన్ బిర్యానీ అని తెలిసి ప్రజలు ఎక్కువ సంఖ్యలో అన్న క్యాంటీన్ వద్దకు చేరుకున్నారు. ఏకంగా 2,000 మంది అన్న క్యాంటీన్ నుంచి చికెన్ బిర్యానీ కొనుగోలు చేసినట్టు సమాచారం. పేదల ఆకలి తీరుస్తూ బాలకృష్ణ రియల్ లైఫ్ లో కూడా హీరో అనిపించుకుంటున్నారు. చికెన్ బిర్యానీతో పాటు స్వీట్, గుడ్డు కూడా ఇవ్వడంతో హిందూపురం వాసులు ఫిదా అయ్యారు. బాలయ్య మనిషి రూపంలో ఉన్న దేవుడు అని నెటిజన్లు కామెంట్లు చేస్తున్నారు.
మరోవైపు బాలయ్య వీరసింహారెడ్డి సినిమాతో మరో నాలుగు వారాల్లో ప్రేక్షకుల ముందుకు రానున్నారు. ఈ సినిమా నుంచి రిలీజైన ఫస్ట్ సింగిల్ కు మంచి రెస్పాన్స్ రాగా ట్రైలర్ కోసం ఫ్యాన్స్ ఆసక్తిగా ఎదురుచూస్తున్నారు. బాలయ్య డ్యూయల్ రోల్ లో ఈ సినిమాలో నటిస్తుండగా యంగ్ బాలయ్యకు జోడీగా శృతి హాసన్ నటిస్తున్నారు.
ఫస్టాఫ్ లో యంగ్ బాలయ్య పాత్రకు ప్రాధాన్యత ఉంటుందని సెకండాఫ్ లో వీరసింహారెడ్డి పాత్రకు ప్రాధాన్యత ఉంటుందని సమాచారం అందుతోంది. ఈ సినిమాలో యాక్షన్ సీన్లు నెక్స్ట్ లెవెల్ లో ఉన్నాయని అఖండను మించిన యాక్షన్ సీన్లతో ఈ సినిమా ఉండనుందని సమాచారం.
గుర్తుందా శీతాకాలం సినిమా రివ్యూ& రేటింగ్!
పంచతంత్రం సినిమా రివ్యూ & రేటింగ్!
ముఖచిత్రం సినిమా రివ్యూ & రేటింగ్!
బిగ్ బాస్ కోసం నాగార్జున ధరించిన 10 బ్రాండ్స్, కాస్ట్యూమ్స్ మరియు షూస్ కాస్ట్ ఎంతంటే!
