Balayya Babu: వైరల్ అవుతున్న స్టార్ హీరో బాలకృష్ణ కామెంట్స్!

టాలీవుడ్ స్టార్ హీరోలలో ఒకరైన బాలకృష్ణ ప్రస్తుతం గోపీచంద్ మలినేని డైరెక్షన్ లో ఒక సినిమాలో నటిస్తుండగా ఈ సినిమాపై భారీ స్థాయిలో అంచనాలు ఏర్పడ్డాయి. అయితే ఎన్టీఆర్ హెల్త్ యూనివర్సిటీ పేరు మార్పు తెలుగు రాష్ట్రాలలో సంచలనం సృష్టిస్తుండగా స్టార్ హీరో బాలకృష్ణ పేరు మార్పు గురించి స్పందించి షాకింగ్ కామెంట్లు చేశారు. యూనివర్సిటీ పేరును మార్చడంపై బాలయ్య ఫైర్ అయ్యారు. “మార్చెయ్యటానికి తీసెయ్యటానికి ఎన్టీఆర్ అన్నది పేరు కాదు..

ఓ సంస్కృతి.. ఓ నాగరికత.. తెలుగుజాతి వెన్నెముక.. తండ్రి గద్దెనెక్కి ఎయిర్ పోర్టు పేరు మార్చాడు.. కొడుకు గద్దెనెక్కి యూనివర్సిటీ పేరు మారుస్తున్నాడు.. మిమ్మల్ని మార్చటానికి ప్రజలున్నారు.. పంచ భూతాలున్నాయ్ తస్మాత్ జాగ్రత్త.. అక్కడ ఆ మహనీయుడు పెట్టిన భిక్షతో బ్రతుకుతున్న నేతలున్నారు.. పీతలున్నారు.. విశ్వాసం లేని వాళ్లను చూసి కుక్కలు వెక్కిరిస్తున్నాయ్.. శునకాల ముందు తలవంచుకు బ్రతికే సిగ్గులేని బ్రతుకులు” అని బాలయ్య తన పోస్ట్ లో పేర్కొన్నారు.

ఒకింత ఘాటుగానే బాలయ్య ఈ వివాదం గురించి స్పందించగా బాలయ్య కామెంట్ల గురించి వైసీపీ నేతల నుంచి ఎలాంటి స్పందన వ్యక్తమవుతుందో చూడాల్సి ఉంది. బాలయ్య చేసిన పోస్ట్ నందమూరి, టీడీపీ అభిమానులకు సంతోషాన్ని కలిగిస్తోంది. ఎన్టీఆర్ హెల్త్ యూనివర్సిటీ పేరు మార్పు గురించి బాలయ్య ఆలస్యంగా స్పందించినా ఘాటుగా స్పందించడం గమనార్హం.

తన ఫేస్ బుక్ ఖాతా ద్వారా బాలయ్య చేసిన పోస్ట్ సోషల్ మీడియాలో వైరల్ అవుతోంది. బాలయ్య స్పందన ప్రతి సీనియర్ ఎన్టీఆర్ అభిమాని హృదయ స్పందన అని మరి కొందరు కామెంట్లు చేయడం గమనార్హం. బాలయ్య చేసిన కామెంట్లు అక్షరాలా నిజమని మరి కొందరు కామెంట్లు చేస్తున్నారు. అవకాశం వచ్చిన ప్రతి సందర్భంలో బాలయ్య ఇతర పార్టీల నేతలపై ఘాటుగా విమర్శలు చేస్తూ వార్తల్లో నిలుస్తున్నారు.

ఆ అమ్మాయి గురించి మీకు చెప్పాలి సినిమా రివ్యూ & రేటింగ్!

Most Recommended Video

శాకిని డాకిని సినిమా రివ్యూ & రేటింగ్!
నేను మీకు బాగా కావాల్సినవాడిని సినిమా రివ్యూ & రేటింగ్!
‘బిగ్ బాస్ 6’ కంటెస్టెంట్ గీతు రాయల్ గురించి ఆసక్తికర విషయాలు..!