నందమూరి బాలకృష్ణ అభిమానులు మ్యూజిక్ డైరెక్టర్ తమన్ కి టార్గెట్ ఫిక్స్ చేశారు. బాలయ్య హీరోగా దర్శకుడు గోపీచంద్ మలినేని ‘వీర సింహారెడ్డి’ అనే సినిమాను తెరకెక్కిస్తోన్న సంగతి తెలిసిందే. ఇందులో శృతిహాసన్ హీరోయిన్ గా నటిస్తోంది. ఈ సినిమా వచ్చే ఏడాది సంక్రాంతి కానుకగా విడుదల కానుంది. జనవరి 12న సినిమాను రిలీజ్ చేయబోతున్నట్లు చిత్రబృందం అనౌన్స్ చేసింది. ఈ సినిమాకి సంబంధించిన ఓ క్రేజీ అప్డేట్ ఇచ్చారు తమన్. ‘వీర సింహారెడ్డి’ సాంగ్ కంపోజిషన్స్ పూర్తయ్యాయని..
ఇప్పుడు బ్యాక్ గ్రౌండ్ మ్యూజిక్ వర్క్ మొదలుపెట్టామని తమన్ ట్వీట్ చేశారు. గోపీచంద్ మలినేనితో పాటు లిరిసిస్ట్ రామజోగయ్య శాస్త్రితో దిగిన ఫొటోను షేర్ చేశారు. బాలయ్య చివరి సినిమా ‘అఖండ’కు తమన్ సంగీతం అందించారు. ఆ సినిమా సక్సెస్ లో తమన్ మ్యూజిక్ కీలకపాత్ర పోషించింది. ముఖ్యంగా బ్యాక్ గ్రౌండ్ స్కోర్ అదిరిపోయింది. దాని గురించి ఎంత చెప్పుకున్నా తక్కువే. థియేటర్లలో జనాలకు పూనకాలు వచ్చేశాయి. ఇప్పుడు ‘వీరసింహారెడ్డి’ సినిమా నేపథ్య సంగీతం ‘అఖండ’ను మించి ఉండాలని బాలకృష్ణ, నందమూరి అభిమానులు కోరుతున్నారు.
‘సమర సింహా రెడ్డి, అఖండ లెవెల్ బ్యాక్ గ్రౌండ్ మ్యూజిక్ ఆశిస్తున్నాం’ అంటూ ఓ నెటిజన్.. ‘అఖండ BGM కి మించి ఉండాలి…! బాక్సులు పగిలిపోవాలి’ అంటూ మరో నెటిజన్ ఇలా బాలయ్య ఫ్యాన్స్ వరుసగా తమన్ ను ఉద్దేశిస్తూ కామెంట్స్ చేస్తున్నారు. మరి తమన్ ‘అఖండ’ను మరిపించేలా ‘వీరసింహారెడ్డి’కి మ్యూజిక్ అందిస్తారేమో చూడాలి!
హిట్2 సినిమా రివ్యూ& రేటింగ్!
మట్టి కుస్తీ సినిమా రివ్యూ & రేటింగ్!
ఇట్లు మారేడుమిల్లి ప్రజానీకం సినిమా రివ్యూ & రేటింగ్!
డీజే టిల్లు టు మసూద ఈ ఏడాది ఎటువంటి అంచనాలు లేకుండా వచ్చి హిట్టు కొట్టిన సినిమాలు..!
