Balakrishna, Allu Arjun: ఆ మాటకు ఫిదా అయిన బాలయ్య ఫ్యాన్స్!

November 28, 2021 / 05:27 PM ISTByFilmy Focus

Join Us

Balakrishna, Allu Arjun: ఆ మాటకు ఫిదా అయిన బాలయ్య ఫ్యాన్స్!

నందమూరి బాలకృష్ణ హీరోగా బోయపాటి శ్రీను డైరెక్షన్ లో తెరకెక్కిన అఖండ మూవీ ప్రీ రిలీజ్ ఈవెంట్ కు బన్నీ అతిథిగా హాజరైన సంగతి తెలిసిందే. బన్నీ మాట్లాడుతూ బాలయ్యకు సినిమాలంటే ఎడిక్షన్ అని ఆయన స్పెషాలిటీ డిక్షన్ అని చెప్పుకొచ్చారు. ఈనాటి అనుబంధం ఏనాటిదో అంటూ సీనియర్ ఎన్టీఆర్, అల్లు రామలింగయ్య మధ్య ఉన్న అనుబంధాన్ని బన్నీ ఈ సందర్భంగా గుర్తు చేసుకున్నారు.

బన్నీ మైక్ పట్టుకున్న సమయంలో ఫ్యాన్స్ జై బాలయ్య అని నినాదాలు చేయగా “మీ అందరి ప్రేమ.. మీ అందరి అభిమానం కోసం.. జై బాలయ్య” అని చెప్పి నందమూరి అభిమానులకు బన్నీ పూనకాలు తెప్పించారు. బన్నీ జై బాలయ్య అని చెప్పడంతో బాలయ్య ఫ్యాన్స్ ఫిదా అయ్యారు. బన్నీ ఈవెంట్ లో చేసిన కామెంట్ల వల్ల అభిమానులు ఎంతగానో సంతోషించారు. బోయపాటి బాలయ్యల కాంబినేషన్ అన్ స్టాపబుల్ అంటూ బన్నీ బాలయ్య అభిమానులను ఆకట్టుకున్నారు.

పాన్ ఇండియా హీరోగా సత్తా చాటాలని ప్రయత్నిస్తున్న అల్లు అర్జున్ ఇతర హీరోల అభిమానాన్ని సంపాదించుకునే దిశగా అడుగులు వేస్తుండటం గమనార్హం. కోవిడొచ్చినా ఆ దేవుడే దిగివచ్చినా తెలుగు ప్రేక్షకులు తగ్గేదేలే అంటూ పుష్ప సినిమాను కూడా ఈ ఈవెంట్ లో బన్నీ ప్రమోట్ చేసుకున్నారు. బన్నీ నటించిన పుష్ప పార్ట్1 ఈ ఏడాది డిసెంబర్ 17వ తేదీన థియేటర్లలో విడుదల కానుంది. సుకుమార్ పుష్ప సినిమాకు దర్శకత్వం వహిస్తున్నారు. భారీ బడ్జెట్ తో, భారీ అంచనాలతో తెరకెక్కిన పుష్ప పార్ట్1 కోసం నిర్మాతలు ఏకంగా 180 కోట్ల రూపాయలు ఖర్చు చేశారని సమాచారం.