Balakrishna: బాలకృష్ణ కూడా డైరెక్షన్ డిపార్ట్మెంట్లో జోక్యం చేసుకోవాల్సి వచ్చిందా? ఏ సినిమా అది..?!

నందమూరి బాలకృష్ణ (Nandamuri Balakrishna) డైరెక్టర్ కి కంప్లీట్ సరెండర్ అయిపోతాడు అని అంతా అంటుంటారు. చాలా వరకు ఇది నిజమే. డైరెక్టర్ ఏం చెప్పినా గుడ్డిగా నమ్మేసి ముందుకెళ్లిపోవడం అనేది బాలకృష్ణకి అలవాటు. అందుకే బాలయ్య అన్ని రకాల పాత్రలు చేయగలిగాడు. కొన్ని సినిమాల విషయంలో బాలయ్య ఇమేజ్ ను మిస్ లీడ్ చేసిన దర్శకులు సైతం లేకపోలేదు. ఉదాహరణకి ‘పలనాటి బ్రహ్మనాయుడు’ (Palnati Brahmanayudu)  సినిమాలో ట్రైన్ ఎపిసోడ్ తీసుకుందాం. వేరే హీరో అయితే అలాంటి ఎపిసోడ్ ఓ సినిమాలో వచ్చేది కాదు.

Balakrishna

బాలయ్య పసిపిల్లాడి మనస్తత్వం కాబట్టి.. ఆ సీన్ కూడా సినిమాల్లో ఉంది. అలాగే ‘విజయేంద్ర వర్మ’ (Vijayendra Varma) సినిమాల్లో కూడా చాలా సన్నివేశాలు ఈ కోవకే చెందుతాయి. వేరే హీరోలు ఈ తరహా సన్నివేశాల్లో నటిస్తే.. వాళ్ళ కెరీర్ తర్వాత చాలా దారుణంగా ఉంటుంది. కానీ బాలయ్య చేశాడు కాబట్టే.. ఆడియన్స్ డైజెస్ట్ చేసుకోగలిగారు. ‘జస్ట్ బాలయ్య థింగ్స్’ అని సరిపెట్టుకున్నారు.

ఇదిలా ఉంటే.. బాలయ్య తన 50 ఏళ్ళ సినీ కెరీర్లో డైరెక్షన్ డిపార్ట్మెంట్లో వేలు పెట్టిన సినిమా ఒకే ఒక్కటి అని చాలా మంది చెబుతుంటారు. అదే ‘ఎన్టీఆర్ బయోపిక్’ అని తెలుస్తుంది. ఈ సినిమా బాలకృష్ణ తండ్రి దివంగత స్టార్ హీరో నందమూరి తారక రామారావు బయోపిక్ గా రూపొందింది. ఈ సినిమాని చాలా ప్రెస్టీజియస్ గా తీసుకుని.. స్వయంగా బాలకృష్ణ నిర్మించడం జరిగింది. సినిమాకి ముందుగా తేజని దర్శకుడిగా తీసుకున్నారు.

కానీ తర్వాత కథని 2 భాగాలుగా చేయడం.. ఎన్టీఆర్ స్ట్రగులింగ్ ఫేజ్ ను తక్కువ చేయడంతో.. తేజ డిజైన్ చేసుకున్న స్క్రిప్ట్ కి మ్యాచ్ కాలేదు. సీనియర్ ఎన్టీఆర్ జీవితంలో ఎవ్వరికీ తెలియని ఎక్కువ భాగం బాలకృష్ణకి తెలుసు. అందుకే తేజని పక్కన పెట్టి.. క్రిష్ (Krish Jagarlamudi) దర్శకత్వంలో ఈ చిత్రాన్ని ఆయన రూపొందించడం జరిగింది. ఇది తీసేస్తే బాలయ్య చేసిన మిగిలిన 107 సినిమాల్లో డైరెక్టర్ ను ‘ఇదేంటి.. ఇది ఎందుకు?’ అని ప్రశ్నించింది లేదు.

మణిరత్నం వలలో నుండి కుర్ర హీరో తప్పించుకున్నట్టేనా..!