రిపీట్ కానున్న క్రిష్, బాలకృష్ణ కాంబినేషన్..!

ఉత్తమ చిత్రాల దర్శకుడు క్రిష్ దర్శకత్వంలో నటసింహ నందమూరి బాలకృష్ణ(Balakrishna) సినిమా అనగానే అందరూ ఆశ్చర్యపోయారు. డైరక్టర్ క్లాస్, హీరో మాస్, సెట్ అవుతుందా? అని ప్రశ్నించారు. వారి కలయికలో రూపుదిదుకున్న “గౌతమీపుత్ర శాతకర్ణి‘ అనుమానాలన్నిటినీ పటాపంచలు చేసింది. బాలయ్య కెరీర్ లో భారీ కలక్షన్స్ రాబట్టిన చిత్రంగా నిలిచింది. ఇప్పుడు మళ్ళీ ఈ కాంబినేషన్ రిపీట్ కానుంది. ప్రస్తుతం కంగనా రనౌత్ తో క్రిష్ మణికర్ణిక మూవీని చేస్తున్నారు. ఈ సినిమా తుది దశలో ఉంది. దీని తర్వాత తెలుగులో ఓ మూవీ చేయడానికి రెడీ అవుతున్నారు.

‘అహంబ్రహ్మాస్మి అనే టైటిల్ తో ఓ కథని రాసుకున్నారని తెలిసింది. ఈ టైటిల్ ని వరుణ్ తేజ్ సినిమాకి పెట్టుకున్నారు కాబట్టి టైటిల్ మార్చవచ్చు. కథని మార్పు లేకుండా బాలయ్యతో తీయాలని అనుకున్నారు. రీసెంట్ గా ఈ కథని బాలకృష్ణకి వినిపించడం. అందుకు ఆయన ఓకే చెప్పడం జరిగిపోయాయంట. ప్రస్తుతం భుజానికి ఆపరేషన్ జరగడంతో బాలయ్య విశ్రాంతి తీసుకుంటున్నారు. కోలుకోగానే తేజ దర్శకత్వంలో తెరకెక్కనున్న నందమూరి తారకరామారావు బయోపిక్ సినిమా షూటింగ్ లో పాల్గొననున్నారు. దీని తర్వాత క్రిష్ ప్రాజక్ట్ పట్టాలెక్కనుంది.