Balakrishna ,Boyapati Srinu: బాలయ్య, బోయపాటి కాంబోలో మరో సినిమా!

October 3, 2022 / 01:18 PM ISTByFilmy Focus

Join Us

Balakrishna ,Boyapati Srinu: బాలయ్య, బోయపాటి కాంబోలో మరో సినిమా!

నందమూరి బాలకృష్ణ, బోయపాటి కాంబినేషన్ లో ఇప్పటివరకు మూడు సినిమాలు వచ్చాయి. ఈ మూడూ కూడా బ్లాక్ బస్టర్స్ అయ్యాయి. ముఖ్యంగా ‘అఖండ’ సినిమా రికార్డులు తిరగరాసింది. దీనికి సీక్వెల్ ఉంటుందనే మాటలు వచ్చాయి కానీ వీటిపై ఇంకా క్లారిటీ రాలేదు. ఇదిలా ఉండగా.. ఇప్పుడు బాలకృష్ణ, బోయపాటి కలిసి మరో సినిమా చేయడానికి రేడీ అవుతున్నారు. ఈసారి ఇద్దరూ కలిసి పొలిటికల్ డ్రామా తీయబోతున్నారు. ప్రస్తుతం ఈ సినిమాకి సంబంధించిన డిస్కషన్స్ జరుగుతున్నాయి.

ఏకే ఎంటర్టైన్మెంట్స్ బ్యానర్ పై నిర్మాత అనిల్ సుంకర ఈ సినిమాను నిర్మించబోతున్నారు. 2023 మిడ్ లో ఈ సినిమాను మొదలుపెట్టి 2024 సమ్మర్ కి సినిమాను రిలీజ్ చేయాలని ప్లాన్ చేస్తున్నారు. ఎలెక్షన్స్ కి ముందు ఈ సినిమాను రిలీజ్ చేయాలనేది బాలయ్య ఆలోచన. త్వరలోనే ఈ సినిమాకి సంబంధించిన ప్రకటన రానుంది. ప్రస్తుతం బాలయ్య.. గోపీచంద్ మలినేని దర్శకత్వంలో సినిమా చేస్తున్నారు. అలానే ఓటీటీ షో ‘అన్ స్టాపబుల్ ‘ సీజన్ 2 కోసం సిద్ధమవుతున్నారు.

త్వరలోనే ఈ షో టెలికాస్ట్ కానుంది. వీటితో పాటు అనీల్ రావిపూడి సినిమా కూడా లైన్ లో ఉంది. ఇవన్నీ పూర్తయిన తరువాత బోయపాటి సినిమా మొదలవుతుందని తెలుస్తోంది. ఇప్పుడు బోయపాటి కూడా హీరో రామ్ తో సినిమా చేయడానికి రెడీ అవుతున్నారు. ఇప్పటికే ఈ సినిమా పూజా కార్యక్రమాలు కూడా జరిగాయి.

ఈ సినిమాలో రామ్ డిఫరెంట్ లుక్ లో కనిపించబోతున్నారు. ఇందులో ‘ఏజెంట్’ సినిమా హీరోయిన్ సాక్షి వైద్యను హీరోయిన్ గా ఫైనల్ చేసినట్లు సమాచారం. త్వరలోనే ఈ సినిమాకి సంబంధించిన మరిన్ని వివరాలు తెలియనున్నాయి.