Balayya Babu: చైతు నో అన్నాడా… బాలయ్య సినిమా ఓకే అవుతోందా?

October 31, 2022 / 01:20 PM ISTByFilmy Focus

Join Us

Balayya Babu: చైతు నో అన్నాడా… బాలయ్య సినిమా ఓకే అవుతోందా?

ఓ సినిమా పనిలో ఉండగా.. మధ్యలో ఆపేసి ‘సర్కారు వారి పాట’ సినిమా చేశారు పరశురామ్‌. ఈ విషయం అందరికీ తెలిసిందే. ఇప్పుడు అదే సినిమాను వదులుకుని మరో హీరోతో సినిమా చేయబోతున్నారా? అవుననే అంటున్నాయి టాలీవుడ్‌ వర్గాలు. ఈసారి ఆయన సినిమా చేయబోతున్న నందమూరి బాలకృష్ణ అవ్వొచ్చు. నిజానికి ఈ మాట చెప్పింది పరశురామే. ‘ఊర్వశివో రాక్షసివో’ సినిమా ప్రీ రిలీజ్‌కి వచ్చిన పరశురామ్‌ ఈ విషయం చెప్పారు.

త్వ‌ర‌లోనే ఒక అద్భుత‌మైన క‌థ‌తో మిమ్మ‌ల్ని క‌లుస్తా సార్, ఆల్రెడీ అల్లు అర‌వింద్ గారికి కూడా ఈ విష‌యం తెలుసు అని అన్నాడు. ఇదేదో య‌థాలాపంగా అన్న మాట‌లా క‌నిపించ‌డం లేదు. అన్‌స్టాప‌బుల్ షోతో ఆహాకు పెద్ద అసెట్‌గా మారిన బాల‌య్య‌తో అల్లు వారికి మంచి అనుబంధం ఏర్ప‌డింది. ఈ క్ర‌మంలోనే ఊర్వ‌శివో రాక్ష‌సివో సినిమా ఈవెంట్‌కు బాల‌య్య అతిథిగా వ‌చ్చాడు. ఈ వేడుకకు ముఖ్య అతిథిగా వచ్చిన బాలకృష్ణను ఉద్దేశిస్తూ పరశురామ్‌ మాట్లాడుతూ.. ఈ విషయం చెప్పారు.

త్వరలోనే తమ సినిమా ఉండొచ్చు అనేలా చెప్పుకొచ్చాడు. అయితే బాలకృష్ణతో సినిమా చేయాలని అల్లు అరవింద్‌ అనుకుంటున్నట్లు చాలా రోజులుగా వార్తలొస్తన్నాయి. అది పరశురామ్‌తోనే అని ఈ వేడుక వల్ల తెలుస్తోంది. ‘నాగేశ్వరరావు’ పేరుతో నాగచైతన్య ఓ సినిమా ఉంటుందని, ఇప్పటికే కథ అంతా సిద్ధమైందని, మరోసారి కూర్చొని ఫైనల్‌ చేసుకోవాల్సి ఉందని ‘సర్కారు వారి పాట’ ప్రమోషన్స్‌లో పరశురామ్‌ చెప్పారు. ఆ తర్వాత ఒకటి, రెండు సందర్భాల్లో నాగచైతన్య సినిమా గురించి ప్రస్తావిస్తే..

త్వరలోనే అనే అర్థంలో చెప్పుకొచ్చారు. కానీ ఇప్పుడు చూస్తే నాగచైతన్య వెంకట్‌ ప్రభు సినిమాకు ఓకే చెప్పి మొదలుపెట్టేశారు. దీంతో ఇక పరశురామ్‌ సినిమా ఉండదు అని వార్తలొచ్చాయి. ఇప్పుడు పరశురామ్‌ – బాలయ్య సినిమా అంటున్నారు. ఈ లెక్కన ‘నాగేశ్వరరావు’ను పక్కన పెట్టేసి పరశురామ్‌ బాలయ్య దగ్గరకు వెళ్తున్నాడా? లేక నాగచైతన్య బిజీగా ఉన్నాడు కాబట్టి.. బాలయ్య సినిమా చేసి వచ్చి మళ్లీ చేద్దాం అనుకుంటున్నాడా అనేది తెలియాల్సి ఉంది.