మోక్షజ్ఞ వ్యవహారం బాలయ్యకు పెద్ద శిరోభారంలా తయారైంది. నందమూరి అభిమానులు మోక్షజ్ఞను లాంచ్ చేయాలని గట్టిగా కోరుకుంటున్నారు. అలాగే బాలయ్యపై కూడా తీవ్ర ఒత్తిడి తెస్తున్నారు. ఎన్టీఆర్ లాంటి సక్సెస్ ఫుల్ హీరో నందమూరి ఫ్యామిలీ నుండి ఉన్నా, మాకు మాత్రం మోక్షజ్ఞనే కావాలంటున్నారట. బాలయ్య కొడుకైన మోక్షజ్ఞ నందమూరి వారసుడిగా స్టార్ హీరోగా ఎదగాలని కోరుకుంటున్నారు. అసలు మోక్షజ్ఞ ఎంట్రీ ఇస్తే చాలు, ఆయన్ని పైకి తెచ్చే బాధ్యత కూడా మాదే అని దర్శక నిర్మాతలు అంటున్నారట.
ఎవరెన్ని చెప్పినా చేసేవాడి మదిలోనే ఆ ఆలోచన లేనప్పుడు ఎవరు మాత్రం ఏమి చేయగలరు చెప్పండి. ఐతే ఎలాగైనా మోక్షజ్ఞను హీరోగా దించాలని బాలయ్య పట్టువదలని విక్రమార్కుడిలా ప్రయత్నాలు చేస్తున్నారట. ఇక లాక్ డౌన్ కావడంతో ప్రస్తుతం షూటింగ్స్ లేవు. దీనితో బోయపాటి మూవీ షూటింగ్ నుండి విరామం తీసుకున్న బాలయ్య పూర్తిగా మోక్షజ్ఞపై దృష్టి సారించారట. మోక్షజ్ఞ మనసు మార్చి హీరోగా ఎంట్రీ ఇవ్వడానికి ఒప్పించే పనిలో ఉన్నారట.
అలాగే మోక్షజ్ఞ కోసం కొత్త కథలు వింటున్నారట. ఎలాగైనా 2021లో మోక్షజ్ఞను హీరోగా వేడితెరకు పరిచయం చేయాలనేది బాలయ్య ఆలోచనగా తెలుస్తుంది. మరి బాలయ్య ప్రయత్నాలు ఫలిస్తే నందమూరి ఫ్యాన్స్ పండగ చేసుకోవడం ఖాయం. ఒకవేళ వెండితెర ఎంట్రీకి మోక్షజ్ఞ ఓకె చెబితే ఆ ఛాన్స్ ఏ దర్శకుడు దక్కించుకుంటాడో చూడాలి. చూద్దాం బాలయ్య ప్రయత్నాలు ఎంత వరకు ఫలిస్తాయో.
Most Recommended Video
ఎక్కువ రోజులు థియేటర్స్ లో ప్రదర్శింపబడిన సినిమాల లిస్ట్!
విడుదల కాకుండానే పైరసీ భారిన పడ్డ సినిమాలు ఎవేవంటే..?
ఈ బుల్లితెర నటీమణుల పారితోషికాలు ఎంతో తెలిస్తే షాక్ అవ్వాల్సిందే..!
