బోయపాటికి బాలయ్య కండిషన్స్..!

కొంత కాలం క్రితం బాలయ్య- బి. గోపాల్ కాంబినేషన్ సినిమా అంటే భారీ అంచనాలు ఉండేవి. బాలయ్యకు భారీ హిట్లిచ్చిన డైరెక్టర్ బి.గోపాల్ ఉండేవారు. కానీ ఒక్క ‘పలనాటి బ్రహ్మనాయుడు’ సినిమాతో ఆ క్రేజ్ మాత్రమే కాదు.. పూర్తి నమ్మకం కోల్పోయారు బాలయ్య,బి.గోపాల్. మితిమీరిన యాక్షన్ సీన్లు… లాజిక్ లెస్ హీరోయిజానికి బాలయ్య ఫ్యాన్స్ కూడా ఫీల్ అయ్యి డైరెక్టర్ ను తిట్టిపోశారు. ఇదిలా ఉంటే… ఇప్పుడు బాలయ్య, బోయపాటి సినిమా అంటే సరిగ్గా అలాంటి నమ్మకమే ఉంది. బాలకృష్ణ 106 వ సినిమాని బోయపాటి డైరెక్షన్లో చేయబోతున్నట్టు ప్రకటించగానే ఫ్యాన్స్ కు అంచనాలు ఏ రేంజ్లో ఉన్నాయో భయాలు కూడా అదే రేంజ్లో ఏర్పడ్డాయి.

‘సింహా’ ‘లెజెండ్’ వంటి సినిమాలు పెద్ద హిట్లవ్వడంతో ఈ ప్రాజెక్ట్ తో హ్యాట్రిక్ కొడతారని అంచనాలు పెట్టుకున్నారు. ఇక ‘వినయ విధేయ రామా’ సినిమాలో కూడా లాజిక్ లెస్ హీరోయిజాన్ని చూపించిన బోయపాటి పెద్ద డిజాస్టర్ మూటకట్టుకున్నాడు. ఆ సినిమా ఎఫెక్ట్ తో బోయపాటిని ఏ హీరో కూడా పట్టించుకోలేదు. అదృష్టం కొద్దీ బాలయ్య ఛాన్స్ ఇచ్చాడు. ఈ సినిమా కోసం బాలయ్య కొన్ని కండిషన్స్ కూడా బోయపాటికి పెట్టాడట. ‘యాక్షన్ సీన్లు హద్దులు దాటకుండా చూసుకోండి. కొంచెం స్టైల్ మార్చండి. మాస్ ఆడియన్స్ తో పాటు యూత్ .. ఫ్యామిలీ ఆడియన్స్ కూడా థియేటర్స్ కి వచ్చేలా కథాకథనాల్లో కొత్తదనం ఉండేలా చూసుకోండి.’ అని బాలయ్య బోయపాటికి చెప్పాడట. బాలయ్య చెప్పిన మాటల్ని దృష్టిలో పెట్టుకునే బోయపాటి స్క్రిప్ట్ పై కసరత్తులు చేస్తున్నాడని తాజా సమాచారం.

తెనాలి రామకృష్ణ బిఏ బిఎల్ సినిమా రివ్యూ & రేటింగ్!
యాక్షన్ సినిమా రివ్యూ & రేటింగ్!
తిప్పరామీసం సినిమా రివ్యూ & రేటింగ్!
ఏడు చేపల కథ సినిమా రివ్యూ & రేటింగ్!