నందమూరి అందగాడి సరసన హారర్ & హాట్ బ్యూటీస్

సీనియర్ హీరోలకి హీరోయిన్ దొరకడం పెద్ద సమస్యగా మారింది. కొత్త హీరోయిన్స్ తో చేద్దామా అంటే వాళ్లేమో మరీ చిన్న పిల్లలా ఉంటున్నారు వారి పక్కన. లేదు కాస్త మధ్య వయస్కులతో చేద్దామంటే ఫ్యాన్స్ ఒప్పుకోవడం లేదు. దాంతో తమ ఏజ్ కి. లుక్స్ కి సరిపడా హీరోయిన్ ను వెతుక్కోవడం దాదాపుగా అగ్ర కథానాయకులందరికీ పెద్ద సమస్యగా మారింది. నాగార్జున మాత్రమే ఇందుకు మినహాయింపు. ఆయన ఇప్పటికీ కుర్రాడిలానే ఉన్నాడు కాబట్టి ఎవరితో యాక్ట్ చేసినా సెట్ అయిపోతుంది. కానీ.. చిరంజీవి, బాలకృష్ణ, వెంకటేష్ వంటి వాళ్ళకు మాత్రం ఈ తిప్పలు తప్పడం లేదు.

అయితే.. బాలయ్య ఈ విషయంలో పెద్దగా రిస్క్ తీసుకున్నట్లుగా కనిపించడం లేదు. ఆయన కె.ఎస్.రవికుమార్ దర్శకత్వంలో నటించనున్న తాజా చిత్రంలో “ముని & కాంచన 3” ఫేమ్ వేదిక మరియు సోనాల్ చౌహాన్ లను కథానాయికలుగా ఫైనల్ చేసేసాడు. ఈమేరకు సదరు కథానాయికలు సైన్ చేయడం కూడా పూర్తయింది.