టాలీవుడ్ స్టార్ హీరోలలో ఒకరైన బాలకృష్ణ గురించి ఆయనతో పని చేసిన డైరెక్టర్లు గొప్పగా చెబుతారనే సంగతి తెలిసిందే. అభిమానులకు ఎంతో విలువ ఇచ్చే స్టార్ హీరోలలో బాలకృష్ణ ఒకరు. బాలయ్య నిర్మాతల శ్రేయస్సును కోరుకుంటారని ఆయనతో పని చేసిన నిర్మాతలు చాలా సందర్భాల్లో చెప్పారు. తెలుగు రాష్ట్రాల ప్రజలకు ఏదైనా కష్టం వస్తే ఆదుకునే హీరోలలో బాలకృష్ణ ముందువరసలో ఉంటారు.
అఖండ సక్సెస్ తో బాలకృష్ణ ప్రస్తుతం వరుసగా సినిమాలలో నటిస్తున్నారు. ఒక్కో సినిమాకు 10 కోట్ల రూపాయల నుంచి 15 కోట్ల రూపాయల రేంజ్ లో రెమ్యునరేషన్ తీసుకుంటున్న బాలకృష్ణ గోపీచంద్ మలినేని సినిమాను పూర్తి చేసి అనిల్ రావిపూడి సినిమాపై దృష్టి పెట్టనున్నారు. ఈ జనరేషన్ డైరెక్టర్లకు బాలయ్య అవకాశాలను ఇస్తున్న విషయంలో బాలయ్య అభిమానులు సైతం సంతోషంగా ఉన్నారు.
బాలయ్య మనస్సులో ఒకటి పెట్టుకుని పైకి మరోలా ఉండరని ఫ్యాన్స్ సైతం చెబుతారు. తాజాగా అభిమాని కోరిక మేరకు బాలకృష్ణ వీడియో కాల్ మాట్లాడి మంచి మనస్సును చాటుకున్నారు. అనారోగ్యంతో బాధ పడుతున్న అభిమాని కాశీ విశ్వనాథ్ బాలయ్యకు వీరాభిమాని కాగా లైఫ్ లో ఒక్కసారైనా బాలయ్యను కలవాలని ఆయన కోరుకున్నారు. కర్నూలు జిల్లాలోని ఆదోనికి చెందిన విశ్వనాథ్ గత కొన్నిరోజులుగా ఆరోగ్య సమస్యతో బాధపడుతున్నారు.
ఆదోని బాలయ్య అభిమాన సంఘం అధ్యక్షులు సజ్జాద్ హుస్సేన్ ఈ విషయాన్ని బాలయ్య దృష్టికి తీసుకురాగా బాలయ్య అభిమానితో వీడియో కాల్ లో మాట్లాడటంతో పాటు అభిమానికి ధైర్యం చెప్పారు. ఏ కష్టం వచ్చినా తాను ఆదుకుంటానని బాలయ్య చెప్పడంతో పాటు అభిమానికి ధైర్యం చెప్పారు. బాలయ్య చేసిన పనిని నెటిజన్లు తెగ మెచ్చుకుంటున్నారు. అభిమాని ఆరోగ్యంగా లేడని తెలిసిన వెంటనే స్పందించి భరోసా ఇచ్చే హీరోలు కొంతమంది మాత్రమే ఉంటారని నెటిజన్లు కామెంట్లు చేస్తున్నారు. బాలయ్య తర్వాత సినిమాలతో కూడా విజయాలు అందుకోవాలని ఫ్యాన్స్ కోరుకుంటున్నారు.
Home