శృతిహాసన్ వద్దన్న బండ్ల గణేష్ ని పవన్ అంత మాటన్నాడా?

2012లో పవర్ స్టార్ పవన్ కళ్యాణ్ నటించిన గబ్బర్ సింగ్ భారీ విజయాన్ని అందుకుంది. హిందీ హిట్ మూవీ దబంగ్ రీమేక్ గా వచ్చిన ఈ చిత్రం బాక్సాఫీస్ దుమ్మురేపింది. అప్పటి వరకు సరైన హిట్ లేక అల్లాడుతున్న పవన్ కి ఈ మూవీ భారీ ఊరట ఇచ్చింది. దర్శకుడు హరీష్ శంకర్ ఈ చిత్ర విజయంతో ఒక్కసారిగా రేసులో ముందుకు వచ్చారు. ఒరిజినల్ కి దూరంగా, తెలుగు నేటివిటీకి దగ్గరగా హరీష్ శంకర్ డైరెక్ట్ తెలుగు మూవీ అన్నట్లు తీశారు. ఐతే ఆ మూవీతో ఫేట్ మార్చుకున్న వారిలో హీరోయిన్ శృతి హాసన్ కూడా ఉన్నారు.

కాగా గబ్బర్ సింగ్ కి హీరోయిన్ గా శృతి హాసన్ వద్దని నిర్మాత బండ్ల గణేష్ అనుకున్నారట. ఇదే విషయం పవన్ కళ్యాణ్ కి బండ్ల గణేష్ చెప్పారట. బాబు శృతి హాసన్ వద్దు మరో హీరోయిన్ ని తీసుకుందాం అన్నారట. దానికి పవన్ ఎందుకు అని అడుగగా, ఆమె నటించిన సినిమాలన్నీ ప్లాప్ అయ్యాయి అన్నాడట బండ్ల గణేష్. దానితో పవన్ నువ్వు అన్నీ సూపర్ హిట్ సినిమాలు చేశావా, శృతి హాసన్ నే పెడదాం అన్నారట.

దీనితో చేసేదేమి లేక బండ్ల గణేష్ శృతి హాసన్ ని ఫిక్స్ చేశారట. ఆ చిత్ర విజయంతో శృతి హాసన్ ఐరన్ లెగ్ అనే అపవాదు పోగొట్టుకుంది. ఆ తరువాత ఆమె నటించిన శ్రీమంతుడు, బలుపు వంటి చిత్రాలు మంచి విజయాలు అందుకున్నాయి.