Bellamkonda Sai Srinivas: ఓ ఇంటివాడు కాబోతున్న బెల్లంకొండ సాయి శ్రీనివాస్

యువ కథానాయకుడు బెల్లంకొండ సాయి శ్రీనివాస్(Bellamkonda Sai Srinivas) త్వరలోనే ఓ ఇంటివాడు కాబోతున్నట్టు సమాచారం. ఈ వారంలోనే బెల్లంకొండ సాయి శ్రీనివాస్ నిశ్చితార్థం జరగబోతుందని ఇండస్ట్రీలో టాక్ గట్టిగా వినిపిస్తోంది.

Bellamkonda Sai Srinivas

ఇది పెద్దలు కుదిర్చిన ప్రేమ వివాహమని అని తెలుస్తోంది. అయితే, వధువు ఎవరు అనేది ప్రస్తుతానికి సస్పెన్స్ గా మారింది. అతి త్వరలో పూర్తి వివరాలతో అధికారికంగా బెల్లంకొండ సాయి శ్రీనివాస్ తండ్రి బెల్లంకొండ సురేష్ ప్రకటిస్తారని తెలుస్తుంది.

నిశ్చితార్థ వేడుక ముగిసిన తర్వాత ఫోటోలతో వధువు వివరాలు వెల్లడిస్తారని ఇంకో టాక్ వినిపిస్తోంది. ఇందులో ఏది నిజం అనేది వెంటనే చెప్పలేం. కానీ బెల్లంకొండ సాయి శ్రీనివాస్ పెళ్ళి ఫిక్స్ అయ్యిందనేది మాత్రం అర్దం చేసుకోవచ్చు. ఈ మధ్యనే విజయ్ దేవరకొండ – రష్మిక..ల వివాహం ఘనంగా జరిగింది. రేపు అనగా మార్చి 6న అల్లు శిరీష్ – నయనిక..ల వివాహం కూడా జరగనుంది.

ఇదే క్రమంలో సాయి శ్రీనివాస్ కూడా పెళ్ళి చేసుకోబోతున్నాడన్న మాట.ఇక బెల్లంకొండ సాయి శ్రీనివాస్ సినిమాల విషయానికొస్తే, ‘టైసన్ నాయుడు’ రిలీజ్ కి రెడీగా ఉంది. సమ్మర్ కి రిలీజ్ చేసేందుకు మేకర్స్ ప్లాన్ చేస్తున్నారు. అలాగే ‘హైందవం’ షూటింగ్‌ కూడా అల్మోస్ట్ కంప్లీట్ అయ్యింది.

వీటితో పాటు మరికొన్ని ప్రాజెక్టులు చర్చల దశలో ఉన్నాయి. ప్రస్తుతం సెట్స్ పై ఉన్న సినిమాలు రిలీజ్ అయ్యాక.. వాటి వివరాలు కూడా వెల్లడించే అవకాశం ఉంది.మరోవైపు ఫ్యామిలీ లైఫ్ లో కూడా బిజీ అయ్యేందుకు బెల్లంకొండ రెడీ అవ్వడం విశేషంగానే చెప్పుకోవాలి.

అందుకే ‘మిస్టర్ బచ్చన్’ ఫ్లాప్ అయ్యింది : హరీష్ శంకర్