మెగాస్టార్ చిరంజీవి హీరోగా మెహర్ రమేష్ దర్శకత్వంలో తెరకెక్కిన మూవీ ‘భోళా శంకర్’. ‘ఎకె ఎంటర్టైన్మెంట్స్’ బ్యానర్ పై అనిల్ సుంకర ఈ చిత్రాన్ని ఎంతో ప్రతిష్టాత్మకంగా నిర్మించారు. మహతి స్వర సాగర్ సంగీత దర్శకుడు. తమన్నా హీరోయిన్ గా నటిస్తున్న ఈ చిత్రంలో కీర్తి సురేష్ చిరంజీవి చెల్లెలి పాత్రలో కనిపించనుంది. సుశాంత్ కూడా ఈ చిత్రంలో కీలక పాత్ర పోషించాడు. ఆగస్టు 11 న ఈ చిత్రం విడుదల కాబోతుంది.. భోళా శంకర్ టైటిల్ సాంగ్ ఆకట్టుకోకపోగా జజ్జనక, మిల్కీ బ్యూటీ పాటలు పర్వాలేదు అనిపించాయి.
టీజర్ చిరు పాత సినిమాలనే గుర్తుచేసింది. ట్రైలర్ పర్వాలేదు. ఇక మరో రెండు రోజుల్లో విడుదల కాబోతున్న ఈ చిత్రం ఎలా ఉంటుందో అని అభిమానులు ఆసక్తిగా ఎదురుచూస్తున్నారు.. అయితే ఇండస్ట్రీలోని కొంతమందికి ‘భోళా శంకర్’ ను చూపించారట. వారి టాక్ ప్రకారం సినిమా ఎలా ఉందో ఇప్పుడు తెలుసుకుందాం.
కలకత్తాలో టాక్సీ డ్రైవర్ గా పనిచేసే శంకర్ తన చెల్లెలి భవిష్యత్తుని చక్కదిద్దాలని తాపత్రయపడతాడు. మరోపక్క నగరంలో విమెన్ ట్రాఫికింగ్ కేసులు పెరుగుతూ ఉంటాయి. ఆ టైంలో పోలీసులకి శంకర్ సాయం చేస్తాడు. తర్వాత ఊహించని విధంగా శంకర్ .. ఆ విమెన్ ట్రాఫికింగ్ ముఠాతో సంబంధం ఉన్న కొంతమందిని చంపేస్తాడు. కట్ చేస్తే సెకండ్ హాఫ్ లో కీర్తి సురేష్ … చిరంజీవి సొంత చెల్లెలు కాదు అని తెలుస్తుంది? మరి శంకర్ .. కీర్తి సురేష్ ను ఎందుకు చేరదీసినట్టు? శంకర్ గతమేంటి? అనేది మిగిలిన కథ.
భోళా శంకర్ యాక్షన్ సీన్లు బాగున్నాయి. చిరంజీవి – కీర్తి సురేష్ ల మధ్య వచ్చే సన్నివేశాలు ఆకట్టుకునే విధంగా ఉంటాయి. వేదాలం తో పోలిస్తే తెలుగులో చాలా మార్పులు చేసారు. ఒరిజినల్ లో హీరోకి ఫ్లాష్ బ్యాక్ లో గుండు లుక్ ఉంటుంది. తెలుగులో అది లేదు. అలాగే కీర్తి సురేష్ బాయ్ ఫ్రెండ్ అయిన సుశాంత్ ట్రాక్ పెంచారు. తమన్నా ట్రాక్ కూడా పెంచారు. చిరు లుక్స్ బాగున్నాయి.. బాక్సాఫీస్ పెర్ఫార్మన్స్ ఎలా ఉంటుంది అనేది చూడాలి.
